كلمات قصيدة ؏شق الرباب (مكتوبة) سيد فاقد الموسوي - قصائد حسينية مكتوبة



قصيدة ؏شق الرباب

اداء:• سيد فاقد الموسوي
كلمات:- حيدر الحمداني


حاجيني ياملح الحجي
يل ع لرمح راسك
عشگك أنه يابو العشگ
مشتاگه لنفاسك
يالعندك عيوني فرض
ليش الهجر جاسك

مابيه اسولفلك عتب ---تدري الدرب يمطر تعب
متعيني يافي العمر
شفت المهر داسك

—————-

سولفتك لحلمي وبجت
سير علي وجه الامس
مرن ليالينه المضن
واذكرت حجي الهمس
من گتلي احبنج صدك
رت احجي وكتلي انته بس

يالسكته جاي اسمع حجي ----بعيونك مبين بجي
يمكن بعد حبنه انتهه
وبالفرگه دلالي يحس

————-

تغار اعله حبك ياشهم
ادري انته ياهرش الگلب
هسه ارد اگلك يالوفي
عشگك مشت وي الغرب
ميت واهم بهيبتك
يشوفونك بوجهي من اطب

يدرون احبك من صدك ----بس لا يشتمون العشگ
هين علي سوط الشمر
بس الشتم كلش صعب

—————

جانك نويت اعله الهجر
و وي روحي العشره انگضت
خليلي عبدالله رسم
ذكره من الايام المضت
يالغالي ردليه الطفل
شنهي المحنه اتبدلت

موش ابني اعز منك تره ---بس انته تدريني مره
عبدالله من عندك أمل
روحي اعله حبنه اتعودت



شفت العشگ فوگ الثره
وادري انته ماتحمل ترف
بس آنه اواسيك وعلي
بعش حبنه ماتلگه سگف
حر الظهر فت مهجتي
يالحضه منهن تنوصف

خليها تحرگني الشمس-بلكي ابره من لوعة امس
بلكي الله لو شفت الدمع
جرحك يبو جروحي يجف


كاگتلك اسرار العشگ
يالفدوه لترابك هلي
من تحجي وي زينب جنت
تاخذني الغيره وعلي
يالعينك بكبر الزمن
جنت آنه احسك بس الي

جازيني ياطبع العمر--تنساني وتعاشر گبر
اوياك اريد بهل سفر
بالدنيه جا عگبك شلي


___________________________

م