هنا

[فقار الكرخي]

بچينه شكَد وراكم يالنسيتونه
أجه عاشور وانتم ما اجيتونه

أجه شهر الحزن والدنيا حزنانه
يمن چنتو أمس بالتعزية ويانه
بعدكم والله ما تـراد دنيانـه
مليتو شعجب شبسرعه عفتونه

عجيبة كَبروكم ما بيها كل رحمة
الصخر لو نبچي يمه هالبچي يألمه
شمحلاهــا أمس وياكم الَلمَه
يا عونه الفكَدكم هذا يا عونه

ركض ركضت هذيچ سنينه الحلوهَ
وراحـو منه وين البيهم مـروَ
دنيا بلا حبايب كلشي ما تسوهَ
لا انتم البقيتو ولا أخذتونه
عاشور وصفر بيكم يذكرنه
شلون بأربعينه نروح من چنه
شكَد حلوة أمس بيكم مواكبنه
والبيرغ بديكم من تشيلونه

بدهَ المجلس وأجه الرادود لا يقرة؟
فكَدتكم؟ عليكم تنشد الزهرة
وين الچنت أشوفة هنانه كل مرة
خيعونة التحبه الزهرة خيعونة

أويلي على الزمان الراح شيرجعة
الزهرة تحب لطمكم واليصب دمعة
وتحب الزار أبنها بليلة الجمعة
باچر بالكَبر ما يبچن عيونة
عليكم من مشيتو چم جفن يدمع
على فراكَ الحبايب كَلبهَ يتكَطع
بعد هيهات كل الراح ما يرجع
بعد شيردهَ يا دنيا اليدفنونة







حيدر حسين الكَرعاوي

[ملكةه]

الله ايخبل
ربي يرحم الاموات

[نائل الكناني]

احسنت الانتقاء ومأجور وشعر لامس الوجدان

[أخي أشهيد]

ممكن تنزل مقطع فديو