كلمات قصيدة لا نايم ولا ميت مكتوبة كتابة - سيد فاقد الموسوي
لانايم ولا ميت
عدل وصياحج اسمعته
اسمعج أشر اتكولين
وآنه أنزف وأون سكته
من أأشر خافن ايكولون
عدل بس مافزع لاخته
روح حسين تفداج
وآنه مقصر وياج
ابيش ايفيدج حسين
ابيش ايفيدج
شفتج حافيه اتركضين
وشفت اخيامج احتركن
بين النار والدخان
بناتي ابسدج ايركضن
كمت بس خان بيه الحيل
طحت ونوبه كمت الجن
وتشلبت علية الخيل
طحت وأيست من عبرن
يختي الزحف جم دوب
وآنه اعله الوجه مكلوب
ابيش ايفيدج حسين
ابيش ايفيدج
وحقج مالي عين اتشوف
زينب تركض وتعثر
وهنه اثنينهن يجون
الرمل والنار نفس الحر
ابنار الخيمه لوذي أرحم
الطلعتج يختي ما اكدر
البدي ولامن تطفي النار
بلكت جاي جن حيدر
ارجعي ويالزغار
يختي ولوذي بالنار
ابيش ايفيدج حسين
ابيش ايفيدج
المن جيتج يأم عون
أخيج دامي ومسلب
تزيدين الكلب لوعات
يزينب والكلب يلهب
أون مو من طعن وجروح
ونيني اعليج يازينب
زينب كلشي مابيهه
اجروحك ابجي اعليهه
ماريدنج اتشوفين
فوكي خيولهم تلعب
يختي وجايج ليل
وخاف اتسحكج الخيل
يختي وباجر الله يريد
على الهزل يركبونج
يالصبحج ابوجه حسين
ابغرب تتصابح اعيونج
باجر ياعلي اتصيحين
كلما صحتي يولونج
لاتبجين يخت حسين
تره تبجين يردونج
ادري العز يبجيج
لو عالو غرب بيج
ابيش ايفيدج حسين
ابيش ايفيدج
_______________
كـلمـات الشـاعر - [ أحمـد المشـرفاوي ]
رد مع اقتباس
المشاركة الأصلية كتبت بواسطة هيلــه
