فيس بوك عراقي
نـسبة أستخدامه في العراق تصل الى 90% من المستخدمين لهذا البرنامج
الــ 10% الي ما يستخدمونه ينقسمون الى قسمين
القسم الأول هو ( الناس الحايرة بعيشتها )
اغلب اوقاتهم تكون في الكد وأنشغالاتهم اليومية
القسم الثاني
( الناس الي ماتعرفله ومالها خلگه )
نرجع لنسبة المستخدمين الــ 90%
ترتكز نسبه استخدامه عند النساء اكثر من الرجال
لانهُ يعتبر متنفس وتواصل بنفس الوقت
متنفس لان يحاولن ولو بنسبه قليلة يتخلصن من الكبت اليومي والملل وهذا سببه عدة أشياء مثل
(احنة ناس شرقيين )
( باب الشارع ما تشوفينه )
(انتي عورة )
(اكسر رجليچ اذا صعدتي للسطح)
(ماعدنه نسوان يتفرجن على التلفزيون )
( گرة عينك ولك شلون تشترولها تليفون )
(بس تنجحين من السادس ابتدائي تبطلين قابل راح تصيرين دكتورة )
(ماعدنة بنات يداومن كلية )
الي اريد اگولة هو كالآتي
بما انه يعتبر هذا البرنامج متنفس إلـهن
لا تضايقوهن من ينشرن
لا تحششون بمنشوراتهن
لا تمدد رجليك بلمنشور وكأنما گاعد بغرفتك
احترموا طرحهم ونشاطاتهم
(ساندوهم فيسبوكياً )
/سبب المنشور هذا / هواي تتكرر امامي قضيه ازعاج البنات من ينشرن شي بألتالي اشوفهن يمسحن المنشور طيب ليش هيچ
حاول تكتفي بتعليق مهذب ولطيف بعيد عن السخرية والتهجم
رد مع اقتباس
المشاركة الأصلية كتبت بواسطة رجل كهل
البنت ع نت تتعرض لهواي مواقف
