بسم الله أبتدي الگصيد
وأنطگ بحروف الرحمن
وأگول أعوذ بالرب من كل حسيد
ومن شر كل واحدن حگدان
للصار حبه يجري بالوريد
وبفرگته يزيد الخفگان
أريد أكتب عنك شي جديد
تسولف بيه كل العربان
أنطگ فيك الشعر وما جد من جديد
نطگة شاعرن معترف فنان
يمزيون أوصاف وحگ رب العبيد
عليك يدگ الخفوگ دگ عاشگن ولهان
يلي ما تهاب الوغى إشما عد العديد
راعي شگره بصولة الفرسان
يراعي كف يومي من بعيد
للعايز الفكير الجوعان
يمهلي بالضيف وإنت السعيد
وتهلي الدله بهزة الفنجان
يديوان الكرم يبن الأجاويد
يلي بأفعالك صرت للجود وزان
ثگ برب السما شكتب الگلم يصيح المزيد
إكتب إكتب هالشخص صار سلوان
ما رايد من الرب غير يعطيك العمر المديد
يا زين ما رافگت روحي من صحبان
رد مع اقتباس
