المجلس كامل من رفعي لقرص كان موجود عندي
اتمنى يعجبكم
القصيدة رائعة جدا
كلمات القصيدة الاولى
الشاعر السيد سعيد الصافي الرميثي
يــا الــقـاصـد لـقـبـر حـسـيـن ...أوقـف وانـحـنـي بـبـابـه
وهــل دمــعــك عـلـى الـخـديـن... وأسـجـد قـبـل أعـتـابـه
يـا الـزايـر لون قبره يلوك بعينك من بعيد ...سلم وأعقد النية وأقرا الحمد والتوحيد
وأطــلــب مــن أبـو الـسـجـاد كـلـمـا تـطـلـب وشـتـريـد
أصـعـب وأكـلـف الحاجات ... عنده بكل وكت سهلات ...طبع الرزق بالنيات
كـل مـطـلـب وسـيـلـه يـريـد ...وكـل مـوقـف الـه أسـبـابـه
عـن حسين أبو اليمة يا السامع خبر مشهور ... يتناقل بكل مجلس وبكل الكتب مذكور
كــلــمــن يــعـتـنـي يـزوره يـرد مـنـه بـقـلـب مـسـرور
بـقـبـره تـبـرد اللهفـة ...وجـمـرة حـسرتك تطفه ... اذا عندك مرض تشفه
تــبــرى عــلــتــه ويـطـيـب... كـل مـن يـشـتـم تـرابـه
لا تخلي العجب والشك ما بينك وبينه يحول ...لو همك جبل ينزال وبفضل الحسين يزول
كــرامــة خــصــصـه الـبـاري الـدعـاء بـقـبـتـه مـقـبـول
ومـن تـتـوجـه بـدعـواك ... يـا الـزايـر أريد أنخاك...أريدك تندعيلي وياك
لــتــربــة كــربـلاء حـنـيـت... ودمـوع الـغـربـة سـجـابـة
يـا زاير لو رحت أنخاك لمن توصل لقبره ...عوض عني أريد تشم مكان البيه نزف نحره
أخــتــنــقــت ريــتــي وحـنـيـت يـا يـوم الأشـم عـطـره
وقـلـه خـادمـك وده ...يـنـال الـمـطـلـب ال عنده ...وقلبه ببابك يشده
عــلــق لــو حــصــل مــراده ...يــرد يـمـك مـن غـيـابـه
نـذر لحسين لو رديت ناذر أعتني له زحوف ...قلبي يسبق أجدامي وبقبر الحسين يطوف
وأحـنـي ضـلـوعـي عـلـى الـشـبـاك وأحـضـنـه بـلـوعه الملهوف
وأشـكـي شـعـنـدي من آلام ... وخبرة بدورة الأيام ...وأزور الأكبر وجسام
قــبــل مــا أودع أبـو الـيـمـة... أزور أهـل الـوفـه أصـحـابـه
وأتـعني لعضيد حسين عباس الأخو الوفاي ...ال قبله ما قبل يشرب ويتهنى بلذيذ الماي
وأقــلــه مــن قــبــر زيـنـب أنـه جـايـب لـك سـلام ويـاي
غـيـور أطـبـاعـه مـعـروفـة ...كـريم يحي بضيوفه ...أعذره مقطعة كفوفه
وراســه بــالـعـمـد مـهـشـوم... وبـعـيـنـه الـسـهـم صـابـه
قـضيت العمر وأتمنى أعيش بحلم وبآمال ...لون مني الأجل يحدي نعشي بكربلاء ينشال
يــفــرونــي عـلـى قـبـر حـسـيـن وش عـنـدي ذنـب يـنـزال
بـجـاه الـطـاهـرة أمـه ...أريـدن دفـنـتـي يـمـه ...وأنه الخادم لأبو اليمة
حــي مــيــت دلـيـلـي يـصـيـح آه يـا حـسـيـن ومـصـابـه
القصيدة الثانية
للشاعر جابر الكاظمي الله يطول عمره
نـحـرك مـذبـوح... دمـك مـسـفـوح.. ثـارك ميروح..ياثار الله
بـيـن الـدمـع والـنـار .. دمـك ترك آثا..ياثار الله نهتف.. ياثار الله
اتـمـنـى لـونـحري انذبح** ولا دمك الطاهر سفح**دمك اعز من دمي
مـن الـمهد قلبي نجرح**دمعي على مصابك نضح**رضعت الحزن من امي
وجـه الـحـزن دربه نفتح**ومالحظه مر يميالفرح**من صغري عاشق همي
جـسـمك يبو اليمه نطرح** وميدان للعسكر صبح**ياريت داسوا جسمي
جـسـمـك داسـوه .. صـدرك هشموه.. راسك قطعوه..والدم يسيل
وبـجـبـهـه الاشـبـار.. دمـك ترك آثار ..ياثار الله نهتف.. ياثار الله
يـبـن الـطـهـر اقـسم قسم** والذي ساد الامم ** اقصد محمد جدك
اتـمـنـى لـوذاك الـسـهم** يرميني وبجبدي الالم** من قبل رميه جبدك
اتـمـنـى لـوصدري نهشم** من الجسم يصبح خذم** اوقع صريع بسدك
يـاريـت عـمـري لاسـلم** واتمنى يلفيني العدم** وقلبك انام بلحدك
دمـك يـحـسـيـن.. ودمـوع الـعـين ..صارن نهرين..والموج اهموم
وبـكـل جـفـن مـدرار .. دمـك ترك آثار..ياثار الله نهتف.. ياثار الله
هـالـعسكر عليك جتمع** وبجفنك الدامي نطبع**ذبح اخوتك واصحابك
جـسـمـك يـبو الاكبروقع** وبجبهه اللوح نصرع**دم الوريد خضابك
نـحـرك يـاثار الله نقطع** فوق الرمح راسك ركع** وصار الرمح محرابك
حزنك وسط قلبي نزرع**صرت احصد هموم وفزع** مايشفى جرح مصابك
انـحـب ضـلـيـت .. بـسـمك ناديت..قبلك ياريت..يلفيني الموت
وبـكـل مـتـر مـحـتـار.. دمـك ترك اثار..ياثار الله نهتف.. ياثار الله
مـن كـل مهبمن كل كتر.** حاطنك سيوفالكفر** واجد طحت بالمصرع
مـن طحت من ظهر المهر** طاحت عواميد الصبر** وركن الوجود تصدع
وتـنـفـجـر بـركان العمر** لاهو دمع لاهو جمر** وضيم ونوايح ينبع
لـمـصـيـبـتـك يـبـن الـطـهر**فوضنا لله الامر**وبيا صبر نتورع
يـوم اهـوال ..لـوفـوق اجـبـال ..لاشـك تـنزال..والقاع دموم
وبـوجـهـك الاقـمـار.. دمـك ترك اثار ..ياثار الله نهتف.. ياثار الله
من خلص وقت المعترك** جسمك على الغبره نترك** يفجعنا منظر جسمك
حـد الـسـيـوف مـوذرك** حر الهجير مغيرك** والعيله نفجعت يمك
وحـده تـشـاهـد مـنظرك** تشوفالتراب معفرك** حاير منين تشمك
وحـده تـجـبـر خـاطـرك** وحده تقبل منحرك** وبجفها تمسح دمك
وحـده نـاديـت..لـيـش مـوذريـك.. ليش مخليك..من غير اجفان
كـل دمـعـه بـالانـظـار.. دمك ترك آثار..ياثار الله نهتف.. ياثار الله
اي والـرفـع ارض وسـمـا **جن عيني شافت فاطمه**يمك تنوح وتنحب
تـشوف الظلوع مهشمه** تشوف الجسم ينزف دما** تشوف الويد مخضب
وقـفـت لـجـن مـتـألمه** جيمك تريد تكلمه** بوليدي ليش مسلب
واطـفـالـك الـمـتـيـتـمـه** ليش تركتها هايمه** نار المخيم تلهب
عـفـت الـصـيـوان .. يـلهب نيران.. عندك رضعان ..سحقتها الخيل
يـولـيـدي وبـكـل دار .. دمـك ترك آثار..ياثارالله نهتف.. ياثار الله
دمـك يـمـحـزوز النحر**يجري ويضل طول الدهر** مايتنقطع هذا الدم
نـعـادت الـك نـفـس الـصور**لوماجمر البيت استعر** مايحترق مخيم
لـومـاظـلـع مـني انكسر ** ماجان صدرك بالاثر** بحافر الخيل تهشم
انـه امـك وقـلـبي نفطر** الب الك ثوب الكدر** كل بقعه انصب مأتم
بـدمـعـت عـيـنـاي..اذكـر بلواي.. والشيعه وياي..تنحب وتنوح
وتـنـادي يـالـلـثـار.. دمـك تـرك آثار..ياثار الله نهتف.. ياثار الله
للتحميل
تنزيل (46.5 MB)
للاستماع
رد مع اقتباس
