حاجيني حاجيني .. ماعندي صوت وصيحت .. حاجيني
حاجيني .. حته امشي أكلهم ما متت .. حاجيني
حاجيني .. ياساعة السوده وعشت .. حاجيني
التمت الوادم علينه البارحه
لا امشي لا أوكف عدل لاطايحه
لا شارده .. لاطبكت اعيوني
لاكاعده .. حته أعصر امتوني
والفاكده .. كاموا ايسموني
ياهلي ياهلي .. زينب ابلا والي
ياهلي ياهلي .. زينب ابلا والي
لحكوني .. من يمك أركض صيحت .. لحكوني
لحكوني .. يمك وطكوني وطحت .. لحكوني
لحكوني .. غمض ولا جنك شفت .. لحكوني
ماردت أمر يمك واضيك انفاسك
بس همه رادوني انهطر يم راسك
كادوني .. ركض من أخيامي
جابوني .. حته اشوفك ظامي
هطروني .. بس صرت جدامي
ياهلي ياهلي .. زينب ابلا والي
ياهلي ياهلي .. زينب ابلا والي
مانايمه .. خاف اغفه خويه ونحترك .. مانايمه
مانايمه .. افتحهه عيني وتنطبك .. مانايمه
مانايمه .. حلمانه زينب لو صدك .. مانايمه
يومين مرن مانمت من خوفي
افتح اعيوني امن التعب بجفوفي
ياخوفي .. ذبلاهه اجفوني
ويا شوفي .. راح وي امتوني
وبجفوفي ..كمت أفك اعيوني
ياهلي ياهلي .. زينب ابلا والي
ياهلي ياهلي .. زينب ابلا والي
شتريده .. حال اليفاركم بعد .. شتريده
شتريده .. والعنده منكم ماكعد .. شتريده
شتريده .. هو اليهفي اعله المهد .. شتريده
ياخويه طبعت بالجمر رجلينه
أخذ رقيه وياخذون اسكينه
بالهيمه .. ناس غربة ابهيمه
بلا خيمه .. حته اطب الخيمه
ياضيمه .. آخ كلبي وضيمه
ياهلي ياهلي .. زينب ابلا والي
ياهلي ياهلي .. زينب ابلا والي
بيمينك .. مشتاكه احط ايمنتي .. بيمينك
بيمينك .. يامحله لفة شيلتي .. بيمينك
بيمينك ..ارد ارجع اصعد ناكتي .. بيمينك
هزيت متنك بس كلت مالومك
من شفته زين ومنه شال اهدومك
ياريتك .. ترد روحك سالمه
وديتك .. للنهر بس نادمه
ناديتك .. كلبي ماتت وادمه
ياهلي ياهلي .. زينب ابلا والي
ياهلي ياهلي .. زينب ابلا والي
_____________
كلمات الشاعر حمزة الحسناوي
رد مع اقتباس
المشاركة الأصلية كتبت بواسطة صفاء العامري
