كلمات مجنونك وعيونك يعباس مكتوبة كتابة - سيد فاقد الموسوي - قصائد مكتوبة
مجنونك وعيونك يعباس
مجنونك وعيونك يعباس
اشما خذانه الروج عنكم يابوفاضل هم نرد
اگلوبنه امسويهه انته احنان مانقبل بُعد
وتذبل الدنيه بأهلهه ونلگه شباچك ورد
ابابك انشوف الأمان * وتمطر اچفوفك حنان
مجنونك وعيونك يعباس
مجنونك وعيونك يعباس
الدنيه تاخذنه ابحضنهه غشمه ونهز امن أديك
ومثل هزة راية الله اتهز راية الله ونجيك
ما اتحسسنه ابعذابك طيبة امك نلگه بيك
ربتك بس عالوفه * وگمت تنضح عاطفه
مجنونك وعيونك يعباس ..
مجنونك وعيونك يعباس ..
ماتجرينه اعله حكمك ندري زينب شارتك
ماعشگنه الدنيه مثلك بس طمعنه ابرحمتك
ابرايتك غطينه دوم اعليك بطن النگلتك
رايتك راية هله * خلنه دوم ابكربله
مجنونك وعيونك يعباس
مجنونك وعيونك يعباس
الناس تاخذنه الهواهه وينقره اعلينه السلام
وانته تلحگنه ابرحمتك انرد نبچي اعله الخيام
جربتك تزگينه لوعة جمرة امصاب وهيام
تلگه عشاگك ألم * تشتعل بيه الخيم
مجنونك وعيونك يعباس
مجنونك وعيونك يعباس
العزة عد غيرك مهانة العزة عندك هيبتي
كلشي عدهه الناس وآنه بس جنوني ودمعتي
ارد أگل للدنيه كلهه القامه ديني وقبلتي
العزه عندي صلاه * القبله صارت كربلا
مجنونك وعيونك يعباس
مجنونك وعيونك يعباس
_______________________________
كلمات القصيدة الشاعر ~ حيدر الحمداني
مجنونك وعيونك يعباس
رد مع اقتباس