احبج ما تاثر كمت احسها وياك
حبك مو صعب بس الصعب انساك
واغمض عيني وانه مفارك طيوفك
نعمة الشوف بس ما ريدها تدوم
اذا مابيها انه اكدر اشوفك
عشت وياك اصارع كل الايام
ويمته ما تجي مقدر ظروفك
اشوف الناس تتسمى شكثر اسماء
وعندي الدنيا بس جمعة حروفك
ياما تحملت شكد صابر اني وياك
وانت بكل سهولة تكول اعوفك
حظك مدري حظي الجابني عليك
مدري الدنيا حظها بيها اشوفك
كظيت العمر خايف مدري ليش تخاف
وماكو اي عذر لاسباب خوفك
لوعاتك شلتها وفوك هاللوعات
ما مرة كلتلك راح اعوفك
بس انت الاعوفج صارت نغمة وياك
وتعزفها ضمن خطة عزوفك
واحبج ما تاثر كمت احسها وياك
واحس دكة وتدكها من دفوفك
بس كلبي يحب التعب وياك
صرت الماي انت ودمعي جروفك
بس ارجع اكلك صعب يوم انساك
والاصعب يجي من ما اشوفك
والاصعب يجي من ما اشوفك
م
رد مع اقتباس
