هنا

[ღ عِشق ღ]

كلمات قصيدة مشينا - مكتوبة كتابة - باسم الكربلائي الشاعر إيهاب المالكي



مشينا سوه الدرب
حفظنه على الگلب
يهون البعد قرب حسينا
خطانا خطى الرفض
زلازل على الأرض
بزيارتنه ننتفض حسينا

من نمشي درب الزياره
يفرح وجهنه ابسماره
واضح جدمنه ابقراره
خطوه بدون استخاره

بالأربعين العلامه
شوگ الموالي لأمامه
يحير اليوصفه بكلامه
صورة عشگ لو قيامه

نجاهد هوه النفس
علينه انحنت شمـس
كتبنه الوفه بدرس حسينا

نذوب البعد دمع
كأن الأرض شمع
على كلمه نجتمع حسينا

___________________

درب الحسين وصموده
تمتد جحافل جنوده
دمه الي وفه ابوعوده
نثبت حقيقة خلوده

نمشي بعدد ماله آخر
مثل الطيور التهاجر
ثأرا إله من الحوافر
كل زاير ابصفه زاير

نكابر على الالم
تموج الارض قيم
إذا رفرف العلم حسينا
رضينه الحزن قدر
بچنه الدمع بحر
علينه وگع نظر حسينا

__________________

رغم الصبر والصلابه
بينه ترافة سحابه
نجازي اليموت ابغيابه
نهديله خطوه ابثوابه

كل خطوه تحيي القضيه
تكسر رمح من اميـه
موج الدموع النقيه
يواسي العقيله ورقيه

مشينه بعزم هوه
أثرنه بوهج ضوه
عطش لينه وارتـوه حسينا
فزعنه لامر جلل
علينه الصبر نزل
حلاته الذي وصل حسينا

_________________________


نشرق فجر عـاليالي
ضي الشمس يبدي تالي
واحدنه يتعنه خالي
تارك ورا كولشي غالي

نمشي ابمهابة مناير
تشهد علينه الضماير
كل المـواكب تناطر
تخضر إذا مرهه زاير

مضايف لكل جدم
حچينه ابـ لغة كرم
هنيئا إله الخدم حسينا
عباره الف هله
صداهه على المله
تحيينه كربله حسينا

_____________________

مشايه نطلع قوافل
تخله ورانه المعاقل
بينه شموخ المقاتل
مشية جبال ابسلاسل

صوت استغاثه ابسماعه
لبينه سماعا وطاعه
ابحر حلمنه ابشجاعه
وجه الحسين ابشراعه

تعاهدنه مانذل
قسمنه بـابوالفضـل
نذرنه العمر لاجل حسينــا
وحگنه البخت حلف
تراب الأرض رجف
نشيد النصر هتف حسينــا

____________________

كلمات الشاعر - إيهاب المالكي

____________________

كتابة..Zahraa Al obaidi

[Haidar Iraq]

[ღ عِشق ღ]

[هيلــه]

شكراً زهراء

[ღ عِشق ღ]

شكراً زهراء

عفواً