فوك همي فرگه عيونك يا والي
انه هاظمني مضيفك ضال خالي
من يجي الضيف شنگله
نبجي والمدمع نهله
يلمدلل ضيفك اكثر من دلالي
......
فتره ويرد ع داره انه عرف الي يسافر
شنهي لمعطل ضعنكم
خاف شي بحسين صاير
بين فراگه ع وجهي لتارس وجوه الكواسر
اليكعد بصدر المضايف كعدت بصدره الحوافر
يلمثل كضت حسامك تكض ضيفك
بعد بيمن ينترس كوسر مضيفك
جلمه الحي الله ماهي .....وحتى طعم الگهوه فاهي
وهم تردون وترد ذيج الليالي
انه هاظمني مضيفك ضال خالي
....
فوك همي وفركت عيونك يوالي
انه هاظمني مضيفك ضال خالي
من يجي الضيف شنكله
نبجي والمدمع نهله
يالمدلل ضيفك اكثر من دلالي
.....
شتعل حسيت المخيم من شفت بيت اهلي طافي
وعودي غمض عينه طايح بس گلت غمضها غافي
غالطت روحي وكلتها
بويه يا نوم العوافي
واحس بلحافر يسحگه
وروحي تصرخ فدوه كافي
وردت اقنع روحي كوه ماهو طايح
بس ترس ذاني سمعت صوت النوايح
الصوت يوصل للمدينه..... حشمت عمتي نولينه
بالي يمكم يا كشختي.... وجسمي بالي
.....
فوك همي وفركه عيونكياوالي
انه هاظمني مضيفك ظال خالي
من يجي الضيف شنكله
نبجي والمدمع نهله
يالمدلل ضيفك اكثر من دلالي
.....
بويه ينشدني ع طولك كلشي واكف بلمدينه
كلشي بين بي غيابك ما مبين بس علينه
بويه ضل حتى الحمام يطير من يسمع حجينه
خلافكم يهل العاميم چنه ضاوين وطفينه
بويه مو حتى الطيور الچانت تحوط
من تجوع خلاف اديك منين تلكط
الطير بين بي جفاكم
جا شني يصير بضناكم
ورايد اسمع چلمه البويه تعالي
يلمدلل ضيفك اكثر من دلالي
.....
فوك همي وفركه عيونك ياوالي
اني هاظمني مضيفك ضال خالي
من يچي الضيف شنكله
نبجي والمدمع نهله
يالمدلل ضيفك اكثر من دلالي
......
من اثر جدمك عرفتك روحتك ما بيها رده
ما يرد بلموادع تنزل دموعه ع خده
وادري ما ترجع وعاين ع الدروب بعين رمده
شوگي خلاني عليك الريح من يتعده انشده
انه من شميتك لصدرك عرفته
يا معزب سفره للحافر فرشته
روحي تعرف ما تجيني
لچن شيقنعها عيني
ضاله تناطر ع دروب الغوالي
اني هاضمني مضيفك ضال خالي
......
فوك همي وفركه عيونك ياوالي
اني هاظمني مضيفك ضال خالي
من يجي الضيف شنكله
نبجي والمدمع نهله
يالمدلل ضيفك اكثر من دلالي
.....
يچلچل الليل بظلامه بويه واتذكر طلعتك
من مشيت وعلي ضلت بويه مكسوره رگبك
بويه محتاجه لمحنتك من رحت فدوه لمحنتك
يا حنين انه عليله وطيبتي بوست وجنتك
يا حنين وتارس الدنيا بحنانك
الشوگ من يهزني اشم ريحه مچانك
اثر جدمك ما مسحته
الك من حنيت دسته
وذكرك مرافگني اكثر من خيالي
اني هاظمني مضيفك ضال خالي
......
فوك همي وفركه عيونك ياوالي
اني هاظمني مضيفك ضال خالي
من يچي الضيف شنكله
نبجي والمدمع نهله
يالمدلل ضيفك اكثر من دلالي
......
الشاعر مصطفى حرب
رد مع اقتباس
المشاركة الأصلية كتبت بواسطة Rose peace
