ماحِسْبَك بَشَر طَبْعَك طَبُع شَيطان
حاير بيك....أَدور عَالصدُك وَياك
أوياباب الأفتحه بجَفك أتسِده
نوبه أبحضني تُغفَى بغير لاناديك
وأذا صِحتَك تَعال الخَنجَر إتحِده
وأذا كَتلَك حلو تِزعَل عليه أَيام
وأذا كَتلك كَريهه أتْطول المُده
ماحِسْبَك بَشَر طَبْعَك طَبُع شَيطان
عَقلي إبكيفك أنته إتجيبه وترِده
لاتُعْرُف مَشاعِر لاتِهم بحساس
كُل ساعه إِلكَلُبْ بِجفوفَك إتمُرده
أولاتُعْرُف خَطيه والأَلَم ياذيك
صَبري وياك خايب مو عُبر حده
ولك حتى الورد لمن تشلعه الناس
مايقبل مذله ويذبل الوحده
ومالومك ألوم الروح جي تهواك
وألوم الكلب جي لجلك رخص وده
وموبيدي وأعوفك والفكر يرتاح
أذا خمسه حواسي وياك متحده
راح أحجي الصدك والوادم يسمعون
شنهو الخله كلبي يحبك بشده
موذنب الوكت لمن شمرني عليك
ولاذنب العشك لودولب أوتِهَده
الذنب بالوالده ومن عدها كل الصوج
خذت سر الولاده وذبته أبمهده
خذت سر الولاده وذبته أبمهده
منقول
رد مع اقتباس
