يا الهي بفاطمه
شافي عله فاطمه
رفعت ايديهه رقيه بهالدعاء
ربي محتاجه العليله بكربلاء
شافي عله فاطمه
....
ناوين اهلنه عالسفر كلمن يجهز روحه
بس فاطمه لوحدها
تجري الدموع شعدها
اختي الحبيبه شعطلج ماظل وكت لروحه
يله بعجل همي ايدج
.كلنه بسفرنه نريدج
ماني بضعنكم جاوبت كلمه اطلعت مذبوحه
كلت الهه سترك يارب
.وكليبي احسه تصوب
كالت الوالد امر ما اكون بهالسفر
نفترك يا ارقيه هيج الباري شاء
ربي محتاجه العليله بكربلاء
شافي علة فاطمه
.....
يا الهي بفاطمه
شافي عله فاطمه
رفعت ايديهه رقيه بهالدعاء
ربي محتاجه العليله بكربلاء
شافي عله فاطمه
...
منظرهه عذب مهجتي كلش صعب هالمنظر
عالراح والجاي تصد .
.للباب توصل وترد
لحسين رحت بطلبتي يابويه لا تتعذر
محتاجه اخيتي ويانه
لن ضمني بين احضانه
تعبانه كلي اختج تره واعله السفر ماتكدر
لو بيدي ما خليهه
..مو هين انجافيهه
وارجعت من والدي حايره منين ابتدي
وهي تنظر رجعتي بنظره رجاء
ربي محتاجه العليه بكربلاء
شافي علة فاطمه
....
يا الهي بفاطمه
شافي عله فاطمه
رفعت ايديهه رقيه بهالدعاء
ربي محتاجه العليله بكربلاء
شافي عله فاطمه
....
بعيوني اصد اعله السمه وكليبي صاير جمره
للباري امد جفوفي .
.انت العليم بخوفي
يارب هاي ارويحتي وبالخافي انت الادره
وياي ماخلوهه .
.من السفر منعوهه
شافيهه يارب السمه ياقادر اعله القدره
ياربي كون تسرهه
ولا ينكسر خاطرهه
هالطريق لنينوى أسألك نمشيه سوه
هذا كل مطلوبي يارب السماء
ربي محتاجه العليله بكربلاء
شافي علة فاطمه
..
يا الهي بفاطمه
شافي عله فاطمه
رفعت ايديهه رقيه بهالدعاء
ربي محتاجه العليله بكربلاء
شافي عله فاطمه
....
نتسامر ونكعد سوه درب الطفوف طويله
من ينصبون اخيمنه
فد خيمه وحده تلمنه
نوكف على مهد الطفل واثنينا اناغيله
عبد الله لو ماصدهه .
.محبوبته يفكدهه
ولمن يمر بينه العطش عمنه الكمر نمشيله
والحادي لو ينظرنه
مايكسر بخاطرنه
احنا وأطفال الخيم
من الضما نصيح بالم
تشكي وياي العطش وتصيح ماء
ربي محتاجه العليله بكربلاء
شافي علة فاطمة
...
يا الهي بفاطمه
شافي عله فاطمه
رفعت ايديهه رقيه بهالدعاء
ربي محتاجه العليله بكربلاء
شافي عله فاطمه
...
من ينكطع نحر الطفل ونصد مسيل ادمومه
نتساعد اعلى الدمعه
نمشي اعله مهده وننعه
ومن نفكد ارجال الضعن من تنصرع بالحومه
تحميني وإنا احميهه
كاع الجمر نمشيهه
تسترني من عين النذل من قصتي المقسومه
بيهه الوذ ونيتي .
.لا تنسلب ترجيتي
نصعد اظهور الهزل كون ادينه بفد حبل
من نروح اعلى اليسر وي النساء
ربي محتاجه العليله بكربلاء
شافي علة فاطمه
...
يا الهي بفاطمه
شافي عله فاطمه
رفعت ايديهه رقيه بهالدعاء
ربي محتاجه العليله بكربلاء
شافي عله فاطمه
...
بالشام لو صار الضعن واصرخ أريد حسيني
لمن افز مشتاكه
واجري الدمع بفراكه
لو جابو الراس بطشت واحبيبي مايحاجيني
ما نحتمل هالملكه
نشهك عليه فد شهكه
ونموت يم راسه سوه والوحدي ماتخليني
يلكونه فد متن اسود .
.وبفد كبر نتوسد
هذا يارب مطلبي سيدي بجاه النبي
هذي اختي وكلبي عامر بالوفاء
ربي محتاجة العليله بكربلاء
شافي علة فاطمه
...
يا الهي بفاطمه
شافي عله فاطمه
رفعت ايديهه رقيه بهالدعاء
ربي محتاجه العليله بكربلاء
شافي عله فاطمه
...
الشاعر الحاج مازن الزبيدي
رد مع اقتباس