قصيدة " بعد عندي امنيات "
الرادود سجاد الانباري
والشاعر حيدر الخفاجي
موكب عزاء ام البنين - النجف الاشرف - المشخاب
محرم الحرام 1440 هجري
MP3
كلمات القصيدة
يزينب اربعه اولادي وبعد عندي امنيات
تمنيت الله رازقني واربيلج بنات
شرط..........يسمنج اغاتي
شرف.........يخدمنج بناتي
أسمعيني يبت كلبي//وشاهد ع الحجي ربي//الج ماينوصف حبي//واحسج اغله من ولدي
يزينب عمري خلصته//بخدمتج والفخر نلته//وابو فاضل لمن جبته//رضعته من الوفه العندي
كلتله الكربله جبتك//تسع تشهر نهر شلتك//اريدنك اخو لختك//توفي الخوة وتعدي
وابو فاضل اله هيبه//جبير بخوته وطيبه//كلف مو كل مره تجيبه//اليه المفخره وحدي
مثل عباس اذا عندي يصيرون اربعين
فده كلهم ولاشوفج يزينب تنسبين
آسف....حلم ظل بحياتي
شرف....يخدمنج بناتي
الج لو اعلك العشرة//شمع وبظلمتج كمرة//اظل مطلوبه لزهرة//الواها تقبل عليه
الشكر ل الله اعله تربيتي//وكله شيوخ اهاليتي//ولاكن من عرف صيتي//اظلن حرمه بدويه
خذت هذا الفخر منكم//انتم الله يعرفكم//اجيت وجني من عدكم//ولاجني كلابية
خدامة ورفعت الرأس//وتسولف عليه الناس//تكول الجابت العباس//راح تصير علوية
بخدمتي لزينب وحبي صرت للباري باب
وبنت الزهرة من صارت يكمطوهه بحجاب
وعلي.......ترى زينب عباتي
شرف.......يخدمنج بناتي
كل حرمه حلم عدهه//الولد باجر يساعدهه//وابيته يكعدهه//ويكلله تحت امرج
واني اتباوع الولدي//نشامه وصارو بكدي//يزينب اربعه عندي//بشواربهم يظل خدرج
بت حيدر اريد ارضاج//لو عندي بنت تفداج //اخليه تروح وياج//تعوف اخوته وتخدمج
ياعشك الضنى مفضوح//يسمونه عديل الروح//اني اولدي فدوة انروح//الج يازينب وسترج
ترى العدهه مثل ولدي وتفاركهم تموت
بنفس طيبة وكلب صافي دعيت الله بقنوت
يرب....تقبل تضحياتي
شرف......يخدمنج بناتي
احس توهه اشرقت شمسي//يبو حسين ومهر عرسي//اريد اخدمكم بنفسي//وخليكم وسط عيني
علي بيوم الصرت مرته//كلتله اعيالك اوانته//مثل خدري بفخر صنته//ماحاجة توصيني
يحيدر زينب اخدمه//واذا تقبل اصير امه//فرحتي الدنيا متلمه//تضوي ايامي وسنيني
غريبه لاتحسبوني//يزينب انتم عيوني//اكيف من تتعبوني//انتم دنيتي وديني
الحمد ل الله اعله كد نيتي وصلت الهل مقام
سلام الله عله الزهرة بكثر رد السلام
شكر....لربي بكل صلاتي
شرف....يخدمنج بناتي
يبت الزهرة اسمعيني/وحطي عينج بعيني/طلب بس لاترديني//اروح الكربله وياكم
ابو السجاد اهابنه /ابني واستحي منه/بعد طولي من اشوفنه/خجل يترسني ملكاكم
كليله تسلم عليك/هيه تستحي تحاجيك/ابنه ورايدة اتباريك/ماتكدر لفركاكم
محد يتعب عليه/قوية وكلشي مابيه/مشي امشي اعله رجليه/ولاظل وحدي وتناكم
من حال الخدم حالي بطرك روحي وعباه
عليه افراش ابو اليمة واحظرله غطاه
ترى....اخدمنه بذاتي
شرف...يخدمنج بناتي
سمعت بكربله تعطشون/ماخليهم يكعدون/ولدي كلهم يترسون/ماي ونترس الخيمة
واني اتحزم وياهم/والدي الله كواهم/واذا عباس ينخاهم/جفهم يعصر الغيمة
شما شح الفرات وطش/ماخلي طفل يعطش/وتراب الخيم ينرش/حته اتخضر الهيمه
يم عون امنياتي هواي/موبس العطش والماي/اني ادري اليصير وياي/ابد ماينحمل ضيمه
بس هالكلمة اسمعيهه يزينب واختصر
الشمر مو خال ابو فاضل بريئه من الشمر
آنه.....اصيله من امهاتي
شرف....يخدمنج بناتي
رد مع اقتباس
المشاركة الأصلية كتبت بواسطة هيلــه
