درر العراق

فقار الكرخي · 22/September/2018

حَنْ كلبك علينه وجاينه اليوم؟
لو شمات جاي تتمــنــن علينه..

لو دنياك حيل اوجرت وياك
لو جاي انته تتشفه اببجينه..؟

مَيهمنه السبب لا هذا لاذاك
الي يهمنه فقط..! لا لاتجينه..

شفنه الموت من نومنه الجروح
او نِفسنه انكطع حد ما نسينه..

غِبت ايام لو تدري بهالايآم
نطرناك بدمع حد ماعمينه..

جنه نموت لو مر بينه طاريك
عفتنه بلا سبب كولي شجنينه.؟

ذنب كَلوبنه لان وآفت وياك
اذا هذا ذنب تونه درينه !!..

لا ترجع ابد.. لترد .. نسيناك
او ميريدك كَلبنه موبيدينه..

هواي تأخرت مات الهوه وراح
دفنه اشواكنه ومنهه انتهينه..

وهذا آخر قرار.. ولامينعاد
قسمنه.. وباطل الينكث يمينه.