كلمات قصيدة أمنية مجاهد / مكتوبة كتابة - عمار الكناني
كلمات قصيدة كربله اتمنه ترد مكتوبة
كربله اتمنى ترد
يرجع الچف للزند
عباس قائد .. للحشد .. لللحشد
والحرم ماتنسبي
آنه ادري بالزمن يرجع محال
راح ارسم صورة من وحي الخيال
كون حشد الله المقدس بالنزال
كان مايسبون زينب بالحبال
بيد عباس الأمر ** ياحشد أسبي الشمر
عباس قائد .. للحشد .. لللحشد
والحرم ماتنسبي
___________________________
وتنسحب من القياده المرجعيه
اتسلم الرايه لأبوفاضل هديه
ايصير تعداد الحشد بالغاضريه
منهو يگدر يوصل إيسلب رقيه
مو كفائي الإنسحاب ** تقدم الحوزه الرگـاب
عباس قائد .. للحشد .. لللحشد
والحرم ماتنسبي
___________________________
النهر طگت الفجر نمشي إله
نطبگ اچـفوفه ونجيبه انذلله
الحشد عباس في طف كربله
ينگـطع راس الشمر من يوصله
والنهر يصبح عبد ** هوه يتنعه ويرد
عباس قائد .. للحشد .. لللحشد
والحرم ماتنسبي
___________________________
حسين والعباس يم زينب أجوا
والحشد يم الخيم استعرضوا
ها يخت عباس شنهي اشخططوا
الشام كلها انجيبها لو قرروا
انچـتف إيزيد ابحبل ** انركبه ناگه اعله الهزل
عباس قائد .. للحشد .. للحشد
والحرم ماتنسبي
___________________________
يبوفاضل گـول جندك هايه
ماتطيح اليوم والله الرايه
احنه حشد الله المقدس رايه
منك الفتوه اجت وبغايه
نوقع أبدمنه عهد ** يمنتك إحنه وسند
عباس قائد .. للحشد .. لللحشد
والحرم ماتنسبي
___________________________
منهو يوصل للخيم بإحساسه
مايشم حته الهوه بأنفاسه
الحشد يگـطع اچـفوفه وراسه
بينه غيره من علي وعباسه
_______________
كلمات الشاعر - جعفر المحمداوي
_______________
الكتابة..Zahraa Al obaidi/زهـراءالعبيـدي
لتحميل القصيدةmp3 اضغط هنا
مشاهدة
رد مع اقتباس
المشاركة الأصلية كتبت بواسطة هيثم الغراوي
