خط احمر عدنه التطبير ، شعر حسيني عن التطبير
قصيده بحق التطبير
ماريد من احد تنظير
خط احمر عدنه التطبير
مجنونين بحب حسين
اسمعها و رد اسمع زين
خط احمر عدنه التطبير
1
من اتهل عاشور ايامه
تتحضر كل اللطامه
وانگوم اندگ فوگ الهامه
مره بأيد ومره بقامه
هذا المبدأ صار اسنين
اسمعها و رد اسمع زين
خط احمر عدنه التطبير
2
من انطبر نصرخ حيدر
لجل حسين ودم المنحر
مبدئنا التطبير اتصور
والمبدأ معنا خط احمر
بهذا الخط احنه وماشين
اسمعها و رد اسمع زين
خط احمر عدنه التطبير
3
عن هالمبدأ ما نتوانه
لجل حسين تسيل ادمانه
تطبير العاشر خلانه
نشعر بالزهراء ويانه
وانحس كل هذا مقصرين
اسمعها و رد اسمع زين
خط احمر عدنه التطبير
4
انته اشتتصور يالسامع
عن هالبدأ انته ادافع
للتطبير احنه بهل واقع
نتحضر من يوم التاسع
والعاشر كلنه امطبرين
اسمها و رد اسمع زين
خط احمر عدنه التطبير
5
ارد احچيلك وانته التسمع
عن هالمبدأ لا ما نرجع
من فجر العاشر من نطلع
احنه انطبر حتى اليرضع
وين انته وهالمبدأ وين
اسمعها و رد اسمع زين
خط احمر عدنه التطبير
6
خط احمر بينك والبيني
وبهذا المبدأ خليني
مجنون وعاشگ لحسيني
ماعوف المبدأ تدريني
كل عام انطبر همزين
اسمعها و رد اسمع زين
خط احمر عدنه التطبير
رياض الرسل الجابري
رد مع اقتباس