كلمات قصيدة يالنمت نوم العوافي راح أكر عيونك(مكتوبة) عمار الكناني - هيئة عاشوراء ليلة 12 محرم 1440 / 2018
يالنمت نوم العوافي ... راح أكر اعيونك ...
يالنمت نوم العوافي ... راح أكر اعيونك ....
*******
أمن وخل يصفه بالك لاتهم يالغالي
ربنه من سابع سمائه جم ملك ودالي
رايحه ابظعن السبايه وعندي غايه ابالي
اكلب الدنيه ابخطبتي وراسك إيظل عالي
يالعلى التربان غافي
راح أكر اعيونك
*******
حيدر اعله الناكه جني امشي ويهابوني
كلها تسكت لمن احجي وفنهم ايسكتوني
قوة أزداد وعزيمه لمن ايضربوني
إلا اخلي اسياط أميه تزهك امن امتوني
ومن وجعها اتنادي كافي
راح اكر اعيونك
*******
خويه يحسين اليتامه لاتخاف اعليهه
راح اصيرن كمر ثاني وابجفوفي احميهه
خل نشوف الذله ألمن تنسب تاليهه
راح أمشي اجيوش اميه عالجمر وأسبيهه
أسبي جيش وجدمي حافي
إلا أكر اعيونك
********
رايتك خليها بيدي ماتطيح الرايه
وراسك وياي ويشاهد بيهه أدك جم ثايه
سكنه يابو سكينه يمي ماتمسهه احجايه
الدنيه ضيكه وما تلمها وحضني حيل اهوايه
الدنيه وحشه وحضني دافي
راح أكر أعيونك
********
باجر المجلس أطبه وينهدم بنيانه
مايلحك كلمه وحده يحجي إبن مرجانه
آنه بت سلطان كومه وأمي هم سلطانه
أكسر اخشوم الأعادي الكاعده ابديوانه
النور نوري وغيره طافي
راح أكر اعيونك
*********
لازم الأقلام تكتب صولتي المعروفه
يمكن التاريخ يمي ماتكفي احروفه
يامره الذبحوا أهلها وعالهزل مجتوفه
تدل ابيئة زعيمه الشام ويه الكوفه
ماتوصفني القوافي
راح أكر اعيونك
يالنمت نوم العوافي
راح أكر أعيونك
*************
كلمات الشاعر : علي الإبراهيمي
************
Writing...Zahraa
رد مع اقتباس
المشاركة الأصلية كتبت بواسطة جنة الروح
ـتي