هنا

[علي الازيرجاوي]

ضايع والسنين تدور وانه افتر

تايه والدروب بعيني سجت بر
اجاسر .................................
عنك بلياك ما اكدر
التم عله غيرك ساعه بلكي انساك
و اول مايمر طاري العشك نفاش واتطشر
واكول اكدر
و ولا اكدر
اعيفن صورتك وبغيرك اتصور

اتحسس جفوفك بيد المحبين من تلتم
واحس شوكك يمرني ولوني يتغير
وانازع للمفارك ذاك
من ينشف الماي بغره البلعوم
وسباح النفس ينجر
زمان اغبر
زمان اغبر
سكنه النوايه وخلفانه بشر
حزن ومزاحنه مكدر
تحت سن الفرح ذيب الحزن كشر
على فركاك ما اكدر
يورد الجوري لو فتح
يعود البان وتمرجح..........على صدرك جبير وشح
مسيه العافيه عله الخد
الي من المسه اتوشح
يرد بيه الوكت والكاك
برضاب العشك تنضح
ويلمنه الليل_____ذاك الليل مايبرح
اله وكل صعب مشرح وموضح
يرد بيه الوكت _____وادري
لابد كل هدم ينسح
ويضل معدن هوانه بشوكنه يصدح
واكلك تدري من وصالنه اتعسر
تايه والدروب بعيني سجت بر
ضايع والسنين اتدور وانه افتر

[كبريائي قاهرهم]

روووووووعة
عاشت الايادي
جميل الاختيار
وروعة الانتقاء
تميزكم
نترقب القادم بشوق
ودي وعبير وردي

[علي الازيرجاوي]

شكرا الك يا ورد عمري انت