جنت بطران عايش نعمة الخير
وما حسيت بيهه الا بغيــــــابه
عجاف سنين بعد عايش الويل
ولحن صوتي حزن مثل الربابه
انه بدونك عشت مرحله الاموات
عشت برزخ حياتي ويالذيابه
مثل لهفت يتيم بمجلس اباء
ويمه اطفال كلهه تصيح بابا
هيج انه بغيابك منفرد دوم
مثل يعقوب ومخاوي الخرابه
انه شايب ولكن عمري عشرين
بغيابك تنشطب فرحة شبابه
تعال لخاطر الله بخنجرك فوت
كلبي متاني طعنه وفتح بابه
تعال بغيبتك كل شامت يكول
مات الشاعر اموشنه لمصابه
واكلهم بابتاسمه وربي مرتاح
وحق دم الحسين اعشق عذابه
-----------------------------------
رد مع اقتباس
