لو ردت تعرف يكافل باوع اطراف العباة
لو ردت تعرف يكافل باوع اطراف العباة النار جم مره جوتني شوف اديه محركات
ماردت احجي واجرحك انت يكفيك الجراح
يكفي فوك النهر زندك يكفي راسك عالرماح
من خبر موتك اجاني جذبتهم يبن ابوي طاح كالو كلت وسفه
مايطح اعرف اخوي
انا باليبجون اصبر وانا بالسكته بجيت والشمر جم مره طكني وخاف تسمع ماحجيت
ضعنه بالبر ياحبيبي والنه ماظلت خيام ايد اشكف سوط بيها وايد الم بيها اليتام
بخدي لوطاحت دمعتي خوي عذرا لو انوح
انا زينب ستر الله بياوكت للشام اروح
يمشي راسك بالمقدم بالنضعن لمن نسير وخاف تتالم عليه اخوي امشي بالاخير
عالرمح من يلتفتلي راسك اسرع بارجوع وراسي اغطيه بعباتي حتى متشوف الدموع
كلشي ياخويه بجودك جان من عندي يخاف
حتى مني الحلم يحذر لو علي بيوم طاف
والهوه شفته تجسر حاول يلوح الخيال والشمس صارت وكيحه تجوي بجدام الطفال
خويه حتى الماي هذا تجسر وزودك نساه لوعطشنه وردنه شربه يكوم يجرح بالشفاه
من كثر نوحي وعذابي بظهري واضح الانحناء
جفوفي من السوط ثكلت صعبه افتحها بدعاء
من الشمس حمرة عباتي وملحه يصبغها التراب
هذا لون قماش عندي بلون وجهي شكد عذاب
روحي وي النفس تطلع ودعي ربي ماتعود وبخيالي الكه كافل يركض وجايبلي جود
ركضت الطفله اعله بوها اركض ويطلع سراب
لاكفيلي لامنيتي ولاجرح بعيوني طاب
الناكه بلكت بيه تعثر وكبري وسط البر يضيع
حتى ماتسال رقيه عمه جاوين الرضيع
.
الشاعر علي السعيدي
رد مع اقتباس
