هنا

[فقار الكرخي]

مهرة غيض شعري ومــــايكضه عنان
ومــــــــــاتجمح خيال بواقعك تجمح

وبنات الـــشعر كلهن گعدن ابفد بيت
لان الحضرتـــــــــــك ديوان مايشرح

الخوارزمي اعتذر وحسابه ضاع اوياك
كضيت اعدادهم بس تقسم اوتطرح

تعرب بــــــالحرب تجزم على المضموم
والـــــساكـن تحركه وتشطب وتمسح

والــــيرفعه الفرس مكسـور لو مجرور
وتشد عــــــالضرب وبصارمك تفتح

انتخه ابعباس سمعوا صـاح ياعباس
وتصور بعد والــــــمعركه شتصبح

طاحت روسهم ونسحكت الــفرسان
وصح الموت بيهم والـــمفر ماصح

نطيت اركابهم عــدة طرق للــموت
وحاروا يـــــــاخيال البيهن الارجح

بيدك ينبرن لـــــــو بيد راعي الزود
طاحت خـــــــيلهم وتبين الاصلح

ماهمك عطش والسيف يكطر موت
وما بــــــان انكسارك والصبر ماشح

موبس السيوف اتخلي اثـر وجروح
اكو بعض الـــــكلام من النحر يذبح

هنانه الحسين طايح والسيـوف اتنوح
وهناك العقيله وشــــــــامت اليجرح

زكيت ابعز ما تـــــــملك اوضحيت
والله الـــــــــــيزكي بعمره قد افلح

ضلعك والنحر والـــــخنصر المبتور
وقصت رمح راســـــك والستر يرمح

كالوا منذبح وانته اذبــحتهم خوف
وفرق بين الذبح والــــماعرف يذبح

ما موجود حيدر والــــــيتامه هواي
استحه العباس يرجع كال موتي اروح

امسح روسهم وجفوفي مكطوعات
يعني الروس دم اتــــرسه من امسح

وعذرا عالقصيده بـحضرتك مولاي
وبختم النتيجه الـــــــشاطر اليربح








الشاعر علي السعيدي

[ملكةه]

حلو