هنا

[فقار الكرخي]

ها يحالي شحالك النوح اضن يحلالك

بيه لچمة ... حايرة ادور سؤال
هييه كلمة ... وماتت بشفة تعال
....
كلشي وحشه الذكره روحي والديار
مبلله وبحساسي نار
شجرة ميته وحلمة بليلة خضار
وعاشت الدنيا نتظار

جنت المهم فياي يعلون بسماي
من تعنه الخريف حلمي يمرني ماي

عايشه بذكراهم ماكدرت انساهم

ورگة ورگة خلص بروحي الضلال
هيه كلمة وماتت بشفة تعاااااال

.....
جنت ثمرة بگاع الحسين الحبيب
شكد سگاني بچفه طيب

وهيه عشرة والغصن ينمو الرطيب
والله يكتبله النصيب

بروحي النايبات مرتاحه وتبات
وحجايات ابوي بيه مجلبات

نفس جنت بريته لحضه ما خليته

وبحنانه تارس عيوني دلال
هيه كلمة وماتت بشفة تعال
.....
وگبر عودي وكل جفن يرسملي طيف
والهوه يمر بيه ضيف
والترافه حسين ابو الضل الخفيف
سوالف دلال ومضيف

مو والد خليل وحجايته هيل
مااكدر اعيش يذبحني الرحيل

جان صوته ولايتي. يصيحلي مصلايتي

من يگلي بويه توكفلي الجبال
هيه كلمه وماتت بشفة تعال

.....
مشوا عني وراحوا بديرة ضياع
وراسمة خيام وداع
يهلي ردوا. وين ماعد الله كاع
خوفي لاعبدالله جاع

عبد الله هواي واشرب شوفه ماي
من اعبر عليه يتلفت وراي

عافوني وبچيت من حزني شتكيت
عليله وماخذوج وي روحي حجيت

بروحي صرخة طايفه شكد عليهم خايفه

بداري ادور بلكت المحله خيال
هيه كلمة وماتت بشفة تعااال

....
بروحي صرخة تترس العالم انين
هايمه ادور الحسين
وينه ابوبيه ليش حرمتني السنين
تريده عيني تشوفه وين

راحوا مايجون ساروا بالضعون
كصدو كربلاء تتواله الضنون

احس عله بروحي تكبر وي جروحي
آ يجرحي ابجي عالشد الرحال
هيه كلمه وماتت بشفة تعااااال









الشاعر علي السعيدي

[سمراء من قوم عيسى]

احسنت