كلمات قصيدة اخوي (مكتوبة) عمار الكناني - الشاعر علي عويز الشويلي - ليلة 7 محرم 1440 - 2018
وصلتله ولطمت عيني بيمناي
باقي اشويه منه ذاكه الهواي
ندهته اعله النهر عباس عباس
شنهي اليوجعك اشرلي عالماي
اخوي .... اخوي .... اخوي
من بعيد تدوس اعليه شفتها الخيل والناس
گمت اصيح حسين ايروحلك فدوه يعباس
ما لگيت لا چف لا صدر لاعين لا راس
اتحيريت شآخذ للخيم منك يعباس
راح ارجع واوگف وسط الخيام
واصيح اتحضرن يابويه للشام
امشن للكفلچن شوفن اشلون
من صدره اطلعت للگاع السهام
اخوي .... اخوي .... اخوي
__________________
من هويت طلعت يابوفاضل للشمر عين
وظل يصيح ذبحته البي تزامط چنت يحسين
اخلاف اخوك نشوف اتضم بناتك عن زجر وين
وخل نشوف تجيب الزينب اختك كافل امنين
وانته اعله النهر طولت الفراگ
عايف حضن اخوك وحاضن الراگ
إذا ماترد يـعباس وياي
شكو ترچيه ابإذن ابنيه تنباگ
اخوي .... اخوي .... اخوي
__________________
الهيبة ذاك التخط رجلينه من يركب فرس چان
عالتراب موذرته السيوف وطوله گصران
ابلا چفوف والباقي اعله زنده بس الردان
يالحنين الزلم تولي تره الماعنده خوان
ألمن بيك والوادم يطشرون
شماته وشألگه من عندك يضيعون
يخويه اشلون اشيـلك والله محتار
ظهرك لو حملته اطيح المتون
اخوي .... اخوي .... اخوي
__________________
عالفرات الرماح ابصدرك امسويات بيبان
امفتحات والـگلبك شفت واصل التربان
لاتموت تره ابخيمة خواتك بده الدخان
يالغيور والنسوان طاحت فوگ نسوان
انته اتريد اضمد بيك الجروح
رقيه اتصيح بويه الحگلي وتنوح
اعوفنك يلچمك حافر الخيل
اضل يمك شمر لخيامك ايروح
اخوي .... اخوي .... اخوي
__________________
هذا اخوي ايگطعون النفس من اسمه ينجاب
سلبوه واشوفن حرمله ايوزع بالثياب
والخيول خذت من وجهه بحوافرها النگاب
ابلا ورد وشيباته شفتهن فوگ الحراب
جودك عالنهر ألگيته مگلوب
ويمه اعذرني خويه حسين مكتوب
وگـل الزينب اختي ايگول عباس
اموتن والـرقيه ماي مطلوب
اخوي .... اخوي .... اخوي
__________________
كلمات الشاعر علـي عويـز الشويـلي
&
كتــآبة •~ Zahrra Al obaidi
وصلتله ولطمت عيني بيمناي
رد مع اقتباس
المشاركة الأصلية كتبت بواسطة اشراقة امل
