كلمات قصيدة حلو بيارغهم مكتوبة كتابة + تحميلmp3 - كلمات واداء مرتضى حرب - محرم 1440 هــ 2018
قصيدة حلو بيارغهم - مرتضى حرب مكتوبة
حلو بيارغهم
وذبوا عمايمهم
وبشيبته اتحزم حبيب الهيبه
وگلها يزينب ذوله زلم النيبه
صدگيـة صحبتهم
صدگيـة صحبتهم
______________
لمهم حبيب ابخيمته وگـللهم
تدرون زينب خايفه نغدرهم
دخنت الروس وذبو اعمايمهم
وللخيمه مال ام عون رگـضو كلهم
گللها إبن ظاهر
يابت علي باچـر
اشلع اعيونه الكال شاف اخيالچ
يبنيتي زينب خلي هاي ابالچ
وگضو شواربهم .. و حلو بيارغهم
________________
گلتله عمي وكفـو من سمعته
وذب على راسه اتراب من حاچته
اتراب ابلحيته ويبچـي من شافته
سكته بچـت متعوده تبچـي ابسكته
وعاين عله ربعه
كلمن لبس درعه
وكل واحد اعله الباشط امخلي ايده
بس الحسين ايگـله هد إيريده
واتحزمو كلهم .. حلو بيارغهم
______________________
استعرضوا يم الخيمه مالت زينب
وشال ايده ابن ظاهر وسـوو ملعب
هوس اگـبال حسين وحسين اطرب
گـله اظن حــسبو عمك شيب
ارخصني أرد اخليهم
اتضيچ الأرض بيهم
غير آنه عمك وانته المسميني
شيخ الأنصار وهالإسم يكفيني
يعرفوني قاتدتهم .. حلو بيارغهم
_________________________
ايعاين حسين اعليهم ومتـبسـم
واحد بالآخر يحس بـي متـحـزم
بأنفاسهم عطر الوفه ظل إيـشم
وعاين على العباس شافه امغيم
گله علي خلها
هاي الزلم كلها
وصارت امسابگ بين أخو وأصحابه
وهوسو للحگ هل إجت طلابه
وضحكن صوارمهم .. حلو بيارغهم
___________________________
گلهم حسين الراي يمي التمو
يابوالفضل انته وحبيب اتقدمو
الباقين عالمعركه كلها التفو
وكلكم فرد هدة عليهم هدو
گلوله چا وانته
واتـحزم ابشته
چا شنهي صار العزم عنده انصاره
حسين وإيهد وياهم ابتاره
ويحلف ابغيرتهم .. حلو بيارغهم
_________________________
طش خبر عد جيش الكفر خلاهم
ايخافون من الهوه الـ يتعداهم
صوته اصفر وگوه الشمر ناداهم
اصحاب الحسين حسين هد وياهم
ابخاجيته متحزم
ايطالب ابدم مسلم
واشجع زلمهم ماثبت بمجانه
من شاف ابوفاضل امچـنف اردانه
اصحابه افرحو كلهم .. حلو بيارغهم
___________________________
هذا رزق من الله لو عالفطره
واحد يصير اصويحبه إبن الزهره
اصحاب الحسين الإسم هذا أشكبره
هنيالهم بيهم عطر من عطره
من صاح ابو اليمه
طاحو مثل نجمه
ايغار ابوفاضل حته ظل من عدهم
ابگـد ما ايحبون الحسين ايحسهم
بس بي سوالفهم .. حلو بيارغهم
________________________
كلمات واداء مرتضى حرب
_______________________
لتحميل القصيدة mp3اضغط هنا
فيديو
■ Zahraa Al obaidi
رد مع اقتباس
المشاركة الأصلية كتبت بواسطة فلسفة شمعة
