الثقة بين الازواج
الثقة بين الاصدقاء
الثقة
بين رب العمل والعامل .........الخ
الثقة بالنسبة لي اساس كل علاقة متينة بغض النظر عن نوع العلاقة او مدى ترابطها. فلو اهتزت هذه الثقة او انعدمت تدمرت معها العلاقة سواء كانت بين اخوة ،اصدقاء،ازواج،جيران ،مدير وعالعاملين لديه. ،احباب والخ..من العلاقات التي تسود حياتنا
شاركوني آرائكم وعبرو عن ما تعنيه الثقة بالنسبة لكم ومدى اهميتها في الحياة والعلاقات
شاكرة الجميع سلفا
السلام عليكم ورحمه الله وبركاته
ام قمر الثقه الثقه ياربيي من الثقه من تروح من بين اثنين يصير الشك والتكذيب اساس كولشي بعد والثقه هي موشي سهل لان من تروح بعد مترجع هي شي ثمين هوايه
بين الاصدقاء من تروح الثقه يصير وسواس بينهم
اي والله فعلا حبيالمشاركة الأصلية كتبت بواسطة ❥تين❥
خاصة بين الزوجين اذا راحت الثقه معناها حياتهم انتهت
منورتني تينايتي
ماادري شلون تكون بين الزوجين !بس عادي يطلكها ويزوج غير وحدهومايكرر نفس الغلط الي خلا الثقه تروح
نورج ام قمررر
مراحب..
اذا كان الانسان مو واثق بنفسه راح يضل يصيبه قلق وازمة انعدام ثقة بالاخرين..
لان كيف اريد غيري يثقون بيه اذا ماكنت مقتنع وواثق بنفسي..
بحياتي تعلمت شغلتين بخصوص هالجانب
الشغلة الاولى اكون صريح وصادق بكل افعالي واقوالي اني ميهمني فلان شلون ينظرلي ولايعنيلي احد يشوفني بعين كبيرة او يستصغرني اني مااريدك تحبني اني اريد تكون صريح وصادق فقط لااكثر وكون على كد الثقة والمسؤولية الي تجمعنا وإلا إنت مجرد جملة على سطر أمسحه بكل بساطة..
والشغلة الثانية ماانظر للناس بنظر شك وريبة لان الاطباع مختلفة والسلوك مختلف ..لازم أكون مقتنع قبل ماأكون مقنع..ودائما أحب اخلي الخلل بيه قبل مااخلي للغير لأن اكره الظلم والنظرة الغبية للاخرين النابعة من عاطفة لا عقل..
البشر وهوايه منهم مو مُقنِعين إنما مقنَعين وعدهم أكثر من وجه لأنهم ببساطة ماعدهم ثقة بنفسهم ..
شكرا لتواجدك عزيزتي
الثقة عندي يختلف مفهومها في كل مجال مثلاً بعملي ما اثق بـ اي شخص ، لازم صاحب العمل هو الي يدقق كل شيء بنفسه ، على الاقل يسوي مراجعة نهائية بعد الموظفين
اما بالنسبة للحب او الزواج ، مفهوم الثقة عندي هو الاساس بمعنى اني اقدم الثقة (الثقة الحقيقية انه اني واثق بنفسي اولاً) مو مثل (البعض) يبدا بشك بعدين بمرور الزمن تتوطد الثقة ، اعتقد هل شيء يريحني الي جداً ، مالي خلگ ابقى ادور وره شريكة حياتي خاف تخوني او لا ، لان اذا حسيت انها متغيرة راح اسحب روحي بدون اي مقدمات ولا اي نقاشات ، مهما كانت عزيزة عليه او احبها بالنهاية اني اشتري راحة بالي و الدنيا ما توگف ع احد و اعتقد هذا الشيء هو سبب راحتي بالعلاقات ان كانت صداقة او حب ، الافضل انه ماتدور بكل التفاصيل لان الصبار من بعيد كلش حلو بس من تتقرب راح تتغير الصورة
إذا انعدمت الثقه خاصة بين الزوجين حتكون نتائج وخيمة نهايتها الطلاق. .
أما عند البعض ف شي طبيعي تعتبر دروس. . ويمكن تتلاشى بمرور الوقت
موضوع جميل شكرا نغمه
اي موقف يزعزع الثقة ...كل موقف يتبعه اذا غير مقصود ينظر اله بنفس نظرة الموقف الأول ....
اذا الثقة تزعزعت بالشخص المقابل ....من الضروري اصلاح الثقة بالنفس ...حتى لا تكونين عرضة لأهتزازت الثقة المتكررة
بعض التصرفات بسيطة يمكن اعادة الثقة بصاحبها لكن بعضها خطير لا يمكن أو من الصعب جداً اعادة الثقة بصاحبها حتى لو عادت لم تكن مثل السابق شكراً لكِ
رد مع اقتباس