لطمية شصار بحالك يحسين مكتوبة
اداء شيخ الرواديد الشيخ ياسين الرميثي رحمه الله
من نظم الشاعر الحسيني الكبير الشيخ هادي القصاب
التدوين في درر العراق سماعي من قبل أكرم الياسري
شبلك للحومه انطيته ..شصار بحالك يحسين
ضلت روحك تبراله ... وعيونك تترباله ... شصار بحالك يحسين؟
الله أكبر يا غريب آه شلون....
عندك صبر لو حملته جبال الكون..
تنهار منه وهذا عنه يكَولون.........
يحسين حتى الأنبياء يجزعون .......
ابنك هذا الرَّبيته .. بروحك وبدمع العين
بيدك تنطي للحومه .. وتضل روحك مهظومه ... شصار بحالك يحسين؟
***********************************
بس ما طلع للمعركة راح وياه ...
كَلبك يرد اعليه وعينك ترعاه ...
سلوى الك الله لحياتك انطاه ...
يحسين وانته انطيته لسيوف عداه ..
سالم يرجع ياريته .. وتفرحله كَلوب اثنين
كَلبك هذا وكَلب امه .. وليفجعك الله بدمه .. شصار بحالك يحسين؟
------------------------------------
هيبة محمد هيبته القدسيّة....
ونور الأمامه ابغُرْتَه يسطع ضيّه..
وبهالأنوار اتعنه للحربيّه...
راح وبعد بي تدري مابي جيّه....
حين لصدرك ضمّيته.. وودعته ابذاك الحين
جنت انته مأيس منه.... ما بعد ابنك يتعنّه... شصار بحالك يحسين
----------------------------------------------------------------
الله يساعد كَلبك الله يعينك..
تقدم عزيزك للقتل بيمينك......
وكَبالك مخذّم تشوفه ابعينك.
وتسمعه يصرخ بويه عنّي وينك؟
وانته ابساع تعنيته... وكَلبك صاير نصّين
وامسبّح شفته ابدمه.. وعالكَاع امخذم جسمه... شصار بحالك يحسين
-----------------------------------------------------------------
اشبه الناس ابجدك وانواره...
خلق وخُلق وبهيبته القهارة..
وخلّه الاعادي ال بالحرب محتاره..
بحسنه وكماله او طلعته او شنجاره..
ولنّك هالشاب الكَيته .. اعلي ملتمه الصّوبين
هذا ابسيفه ايحز نحره... هذا ايطبره اعله الطبره... شصار بحالك يحسين
-------------------------------------------------------------------
ومن كَبل ما ينصرع بين الجيمان..
عطشان اجاك امن المعاره ولهفان..
ناداك بويه ابنك وجيتك عطشان..
شربة اميّه الكَلبي يسعر نيران.......
وانته بدمعك حاجيته.... ماي انطيك انه امنين؟
هاك انظر يبني لساني... او واحد حن اعله الثاني .. شصار بحالك يحسين
------------------------------------------------------------------------
انكسر كَلبه وايس او عنّك راح........
لسيوف وسهام اوضمه اوحر وارماح...
وخلاف ساعة ولن علي الأكبر طاح....
فوكَـ الوطيّه منجسم راسه او صاح.....
يا ببويه ادركني وجيته .. او عاينته ايسار يمين
يتكَلب من اجروحه... وينازع ويلي بروحه .. شصار بحالك يحسين
..................................................
يمه اكَعدت واعليه ذايب جبدك
وادموع عينك تجري دم ابخدك
وناديته يالتشبه محمد جدك
يبني على الدنيا العفى من بعدك
/////////////////////////
اعظم الله اجورنا واجوركم بهذا المصاب
للاستماع
للتحميل
تنزيل (27.4 MB)
للتحميل
رد مع اقتباس
المشاركة الأصلية كتبت بواسطة شممت ثراك
