زوج منع زوجته من برنامج فيسبوك بعد مدة من الزمن اكتشف أنه زوجته لديها حساب لم يفعل لها شيء وإنما ذهب وانشئ حساب بأسم مستعار وبدأ يتقرب منها إلى أن تطورت العلاقة ادعى أنه يحبها ويتغزل بها يوميا أرسل لها صور شخص آخر على انها صورة إلى أن تعلقت الزوجه به وابتعدت عن زوجها الواقعي وهي لا تعلم الشخصية الحقيقية بعد 5 اشهر من هذه العلاقة طلب حبيبها الطلاق من زوجها كي يتزوجها بعد ان تتطلق وبدأت الزوجه باختلاق المشاكل مع زوجها ومن اتفه الأعذار كي توصلها للطلاق يوم بعد يوم تزيد مشاكل الزوجين وتزيد الاغراءات من جانب العاشق آلى آن طلبت الزوجه الطلاق من زوجها ..
.................................................. ....................
بعد ما ضلت تلح ع زوجها تريده يطلكها وهو يرفض زعلت وراحت لاهلها وهنا صفاله الجو وكعد يراسلها حبيبها ويحرض بيها ضد زوجها وزوجها بنفس الوقت قافلميطلك وبعد شهر من الزعل رجعت لبيت زوجها لكن مجبوره لأن اهلها كلولها ارجعي لبيتج وزوجج ماكو شي يستاهل الطلاك كافي تسوين مشاكل ويه زوجج ....بعد ما رجعت هم ما بطلت يومية عركه وهم رجعت كالتله طلكني بعد ما نتوالم وهنا زوجها كاللها ماشي اطلكج لكن بشرط كالتله شنو شرطك كاللها اتزوج وانتي تزوجيني وبعد العرس باسبوع اطلكج وعذرج يصير وياج لأن ازوجت عليج طلبتي الطلاك وينتهي كل شي كالتله واني موافقه ع الشرط ....هنا هي طارت من الفرحة وركضت على حبيبها تبشره واخيرا زوجها وافق ع الطلاق مقابل تروح تخطبله وتزوجه هنا حبيبها شجعها حتى تنفذ شرطه وتحصل الطلاك منه وكاللها اي زوجي حتى بعد ما يحتاجج اذا صارت عنده زوجه ثانية وهيج راح يطلكج بسهوله وتخلصين منه .......بعد كم يوم زوجها تعرف ع وحدة موظفة ومقاربه لعمره وقرر يخطبها بس كاللها متزوج وعندي اطفال وزوجتي موافقة ع الزواج وهي راح تجي تخطبج بس ما جاب طاري للاتفاق...هنا الزوجه الثانية ما صدكت من الفرحة ضرتها تجي تخطبها وبكامل رضاها
المهم وافقت .....وحسب الاتفاق راحت زوجته خطبت ع حسب الاصول وراحت للمحكمة عقدوا وكدام القاضي كالت موافقة وبكامل ارادتي ومحد جبرني اوافق ....وتم العقد وباركلهم القاضي...وهنا الزوجتين ما شايلتهن الفرحة وحدة لأن تزوجت ووحدة لأن راح تطلك وتأخذ حبيبها الغامض....وجهز الزوج للعرس وبنفس،الوقت يتواصل وياهه باسمه المستعار دائما ويواعد بيها بعد الطلاك راح اتزوجج وراح اعيشج احسن عيشه وراح انسيج اللي عايشته وأعوضج ....الخ من هذا الحجي المرتب وهاي عايشه بعالم الأحلام .....حددو يوم العرس وقبل العرس بأسبوع وجان تتفاجئ الزوجه ...
وقبل العرس بأسبوع وجان يختفي الحبيب الغامض وجان تتعطل صفحته ويختفي وبعد ميدز ولا يراسل هنا الزوجه داخت وين راح هذا؟؟ ليش هيج سوه حسبه تجيبها وحسبه تاخذها واخونا حاط رجل ع رجل وينتظر العرس ع أحر من الجمر ومر يوم يومين واسبوع وماكو خبر هنا حست ع نفسها انضحك عليها بس ما تعرف انو الشخص نفسه زوجها بعدين من الصدمة بيوم العرس ضلت مثل الشخص الضايع ما تعرف شسوي وزفوا رجلها ع زوجته الثانية وهي ميته قهر بين دتشوف رجلها اتزوج وبين ذاك اللي ضحك عليها وورطها واختفى المهم بيوم العرس راحت لأهلها فرغت البيت للعرسان ضلت يومين ورجعت طبعا مكسوره وتحس بالخذلان بس بداخلها متبين لأحد....وبعد السبعة بيوم اجاها رجلها كاللها انتي وفيتي وياي بوعدج وهسه اجه دوري بس اني يعز عليه اطلكج راح انطيج مهلة منا لباجر فكري واخذي قرارج اذا ناويه ع الطلاك باجر نروح نطلك واذا غيرتي رايج اكعدي ابيتج معززة مكرمة (ههههه شلون شيطان) طبعا هي اجتها فرصه حتى تتلاحك نفسها وميطلكها لأن جان مصره قبل ع الطلاك بتحريض من ذاك بس من اختفى صحت ع نفسها وثاني يوم اجاهه الصبح هاا شقررتي؟ كالتله لا ما اريد اطلك بقيني زوجتك واني اتراجعت عن الطلاك كاللها براحتج بس هاي ضرتج انتي جبتيها وبكامل رضاج لا تسوين وياهه مشاكل وعرايك عيشن سوه وان شاء الله ما افرق بينجن وعاشو عيشه سعيده..
رد مع اقتباس
المشاركة الأصلية كتبت بواسطة Suzana
هذا احسن عقاب 
