علي ... باجر انولي
عني لو غاب الكمر واتذبحوا .. هلي
مايضل ولي ...
. يحدي بظعوني
ويعدل بيده محملي
علي ياعلي ..
انظر الليل واحس بكلبي ريبه
جنها ايام اليسر صارت جريبه
ردت صبرك ياعلي منين اجيبه
وآنه عن امصابي تكصر كل مصيبه
ليش سلمان اتنخاك وتستجيبه
وآنه اصرخ والصده صوتي يجيبه
صحت
بسمك ونحت
للمداين تعتنيتها
ويمي محضرت
صوبك التفت
ياوكت هانت عليك
ادموعي من تكت
كلي ياوكت ... !
____________
هاي آخر ليلة وآنه خواني عندي
ومن عكبهم يلعب اعله زندي
حايره واتلفت وإيدي اعله خدي
بين اجلاف آل اميه لني وحدي
واسمع حادي صرخ بله استعدي
بالسبي جف الزجر بالناكه يحدي
غصب
ارجفج الغرب
واترك اخواني ضحايه
واخوني صرعه بالحرب
مدمعي يصب
ابيا وضع اطوي الفيافي
واكطع الدرب
ياعلي صعب .. صعب
_______________
ترضه بنتك ياعلي تبكه وحيده
والنجف عن كربله ماهي بعيده
ابلا كفيل اشلون راح اكطع البيده
ومن هلي ماضل حمي ولاظل شريده
من ينوخ ناكتي واركب بهيده
ويثني رجله ابصعدتي وايمدلي ايده
أهل
دمعي عالهزل
وانتخي يحسين
يالأكبر يابالفضل
ماحصل نفل
منهم ايشيل الثكل
لو ميل الحمل
وبالعجل يصل
_____________
كلمات الشاعر ميرزا عادل اشكناني
رد مع اقتباس