شدي حيلج
الليل اجاج
الظلمة ما ترحم غريب
الكاع وحشه ونكلت اجدامج نحيب
السكته سوط
الظلمة سوط
الهندس اينكط خيام
وغيمة الطف البجتلج مطرت بسبعين امام
الليل اجاج ....
بيده شايل ..حيل ابوج .. و ريحة امج
وكطره من نحر الجفوف الضلت اتفرفح وراج
وهي مو حسبة عطاشى ودنيا خوف
الجربه شكت زيجها اتبدت طفوف
وخضّر بعين الله طولج !!
شجرة العباس زينب والله ساكيها بجفوف
وانه ماسولف عليج
هزله حيل احجايتي بناكة سبييج
امنين اجيج
الدنيه لو مابيها زينب ... ضاعت ارسوم المحنه
الدنيه لو مابيها زينب ... مابكت عد الله جنه
انتي يا اول سبيه الذلت الكاع بجدمها ودلت الدنيه الطريج
انتي گبل اصيار حوا بمية ادام !!
ومن گبل مليون مريم چفچ ايهز المسيح
كاظم الركابي
رد مع اقتباس
