كلمات بندرية l دم منثور l مكتوبة - سيد فاقد الموسوي - محرم 1440 - الشاعر باسم الخاقاني
وليدي ابطيف ** مامش كيف
شفت عرسك لجن شوباشك الدم
ليك اتلوگ ** زفة شوگ
نحر مو للذبح يايمه ينشم
حنه وياس ** تلتم ناس
العرس كون العرس والدنيه تلتم
ردت اشموع ** مو بدموع
واهلهل لو شفت ثغرك تبسم
حنه وماي .. ورد
كون وياي .. ترد
دم منثور
.. ياحسين .. ياحسين .. ياحسين ...
دم منثور شمس ** والمنحور عرس
وليدي ابطيف ** مامش كيف
شفت عرسك لجن شوباشك الدم
ليك تلوگ ** زفة شوگ
نحر مو للذبح يايمه ينشم
حنه وياس ** تلتم ناس
العرس كون العرس والدنيه تلتم
ردت اشموع ** مو بدموع
واهلهل لو شفت ثغرك تبسم
حنة وماي .. ورد
كون وياي .. ترد
ياحسين .. ياحسين .. ياحسين .. ياحسين ..
شوگ اگلوب ** ولهفة ثوب
والثيابك عطر ويه طولك ايشب
ريحة هيل ** ليك تميل
مثل ماريحتك بسنينك اتهب
الحنة اتريد ** ضحكه عيد
تبرد بين اديك الدافيه اتحب
مو مذبوح ** كون تفوح
مسچ بين الكلب يانبضه اللب
ريت تفوح .. عطر
تزكي الروح .. عمر
ياحسين .. ياحسين .. ياحسين .. ياحسين
ها يضنـاي ** شفت افياي
الشمس تاخذ حلاتك والذبح مر
راسك راح ** فوگ إرماح
لچن ضربوا عروسك چم مسه ايمر
جاسم وين ** دير العين
على الناگه الهزيله وشامت ايجر
ذنب اشفاف ** ثغرك طاف
تنخت الزلال الثغرك إيسر
گلبي وياك .. يدگ
وي إدماك .. عشگ
ياحسين ... ياحسين ... ياحسين .. ياحسين
ريت اتجيس ** يالعريس
گلب امك ماجنه ينبض
عرسك صار ** دم ونار
سنابك بالضلوع الدافيه اترض
غربة وشام ** ماكو خيام
وعيونك علي بالغربة تعرض
اسياط وخوف ** يمه اتشوف
من فدوة لعيونك يمه غمض
هاي ايام .. حزن
ماكو خيام .. تحن
ياحسين ... ياحسين ... ياحسين .. ياحسين
بيدي حبال ** والچتال
خذاني من العرس من فرحة الخل
بين اشفاك ** شفت ادماك
وچم ضحكة اعله شفتك يمه تختل
ياجسام ** عنك هام
هلبت لو ترد وي عمك اتهل
دمك راح ** باسمك صاح
ياجاسم يعمي الفرگه تكتل
عمك صاح .. قمر
يمك راح .. وكبر
ياحسين ... ياحسين ... ياحسين .. ياحسين
_________________
_________________
رد مع اقتباس
المشاركة الأصلية كتبت بواسطة Suzana
