المشاركة الأصلية كتبت بواسطة فقار الكرخي
كوة حصلت وقت واجيت للموضوع .
طبعا انذار بسبب الزيارة .
تقبل الله خالص عملك و إخوتك و شكراً لكم على ما تبذلونه و عظم الله لكم الأجر بهذا المصاب الجلل
س
1. اكو الك رد على موضوع هنا
https://www.dorar-aliraq.net/showthr...=1#post2794799
بصراحة لو سامر كاتب هاي القصيدة
الله عليك ترد عليه نفس الرد .
طبعا اكو مواضيع مضحكة . بس ماشفتك راد او ناقدها
لكان ردي أقسى عليه لأنه صديقي و لن يؤاخذني كما يفعل من لا أعرفه... و بكل تأكيد يعرف الجميع أنني في النقد لا أجامل و لك أن تسأل من شئت هنا .. لكنك قد لا تعرف أنني لا أتعرض بالنقد ل ( النصوص التي لا يمكن وصفها بالأدبية أو الإبداعية ) و هذا ليس موقفا شخصيا بل هو موقف منهجي لأن النقد إنما يتعرض للنصوص الإبداعية و الأدبية فقط و هذا يقودنا لنتيجة واحدة لم تلتفتوا لها أعزائي هي أنني حين أنقد- سواء كان رأيي مع النص أو ضده - فأنا أعلن أن النص إبداعي أو على الأقل صاحبه يتمتع بالموهبة و لهذا أحثه و أدفعه بالاتجاه الصحيح .. أما ما لا أجد من خلاله موهبة لصاحبه فلا أقترب منه أو أجده يمثل هفوة لكاتب رصين فلا أقترب منه أيضا .. هلا تصورتَ بعد ما قدمتُ المشهد و أخبرتني بما توصلت له ؟ مع ملاحظة قيمة : كل من يفكر في شيفرة دافنشي كسلطة معرفية أو نقدية فهو متوهم .. إنما أنا أشارككم الفضاء كقارئ و أنتفع مما تكتبوه و أستمتع و أقدم ما أراه من زاوية اختصاصي لا أكثر ( فمن قبلني بقبول حسن ... الخ ) و من لم يقتنع أو يعجب بما أقله فهو حر في ذلك و له مني كل الود و التقدير ..... في الشق الآخر من السؤال : هل يمكنك أن تجيب و تقرأ و تنقد كل ما يطرح في المنتديات الأدبية ؟!!! مستحيل طبعا .. عدم ردي يعني أحيانا عدم قراءتي و هذا ما يسمح به وقتي .
2 . كلمو الناس على قدر عقولها .
انت اشوفك تحجي بفلسفة عالية الوتيرة . شنو هذا معناه مثلا ابراز عضلات لو رياء لو شنو
فلسفة عالية ؟!! شدعوة هههه .. عيوني فقار كل اختصاص يؤثر على صاحبه مو تمام ؟ تلاحظ الأطباء يحجون انكليزي هواي و نبرهم هادئ .. الفنانين تسريحاتهم و طريقة لبسهم مختلفة .... الخ أنا اختصاصي نقد و لغة النقد بيها صعوبة نعم و هي مختلطة جدا بالفلسفة و أنا صار لي سنوات بهذا الاختصاص أكيد يأثر على أسلوبي .. لكن مو لدرجة أن تكون لغة مخاطبتي اليومية( فلسفة عالية ) راح أطلب منك شيء : اقرأ مقال نقدي مثلا لسعيد بنكراد أو لعبد الكريم شرفي أو عبد العزيز حمودة و من تخلص المقال كول ويه نفسك : عمر ويه هالمادة و هذا الأسلوب سنوات و شوف أسلوبي هل هو : تأثر بالاختصاص لا غير ؟ ، إبراز عضلات ؟ ، رياء؟ و أنا راضي بقناعتك ^_^
3 . اسمك عمر . هم سببلك مشاكل الك او الأطفالك
للإنصاف لا ... و إطلاقا
4 . انت كلت رأي والرأي الأخر بخصوص مشكلة الادارة .
يعني وجهة نظرك جانت مو صحيحه لو الجماعة وجهت نظرهم مو صحيحة
كل يرى أن وجهة نظره صحيحة
5 . تكدر تنتقد سامر . لو الموضوع يشمل بس الفقرة .
مؤكد اكدر و هو يدري ^_* ... إذا اقتضى الموقف النقد ستستمتع بنقدي إياه
6 . اذا مثل ما كلت . استشهاد الزهراء كلها تعرف بي وتعرف السبب .
ليش ميحجوها صراحة كدام العلن
وبالمنتدى مثلا او بقناة العراقية ووووالخ .
يعني يخافون من جماعة القاتل . لو القاتل بريئ وتهمو . لو يرضون المخلوق بكتم حقيقة .
هاي بأعتبارك غلست ضمنيا عن السؤال السابق
راح أقبل تهمة التغليس لغاية في نفس يعقوب ... إذا جيرانك تعرض لك بالنقد و أنت تعرضت له بالنقد راح يتهدد أمن الشارع لو لا ؟ أمن المجتمع ضروري و بهيج مجال تشتغل مقولة ( دفع المفاسد ) الفقهية .. سؤال آخر : إذا واحد يسوي علي بن أبي طالب قاتل سلالة الأنبياء و منتهك حرماتهم شنو راح يكون ردك و رد الآخرين من الشيعة يعني مثقفيهم و عوامهم ؟ مرة بالعسكرية أيام التسعينات جندي ويانا سب أحد الصحابة وهو يخاطب جندي آخر ويانا من أهل الحويجة فرد عليه الآخر بشتم الإمام الكاظم .. و نشب نزاع كاد يودي بهما ... بعد أن فرقناهم بكى ابن الحويجة و قال و الله انا ازور الإمام الكاظم و أجله لكن أردت أن أريه كيف هو شعوري حين سب الصحابي ... كلنا نقدس من نقدس الحديث عن التاريخ يجب أن يتولاه الحكماء فقط و إلا فالفتنة هي ما سيقع .. أما تحمل أهل البيت ما تحملوه من أجل ( حفظ بيضة الإسلام ) ؟
7 . بأعتبارك ناقد .
ماشفتك فديوم نقدت جماعتك .
مثلا راهب او نيو .
لو الجماعة ميغلطون بقصايدهم .
لو تخاف عالعلاقة البينكم .
ليسوا ممن يخاف منهم سوء الظن أو رفض النقد .. راجعهم و سيجيبونك إن كنت نقدتهم أم لا ... الوجود ليس كل ما نراه بل ما لا نراه أيضا ^_* .. مع ملاحظة أن أدبية من ذكرت عالية تجعلني أعجز عن كتابة قراءة نقدية في كثير من نصوصهم المبهرة فما بالك بما أشرت إليه؟!
8 . اكو عضوة نايمة بالموضوع من البارحة لحد قبل شوية . ابد ما طلعت من الموضوع . مما ولد في قلبي المريض شك .
شتكول اكو واوي بالموضوع لو العلة بقلبي .
سلم الله قلبك و زاد رفعتك عن مثل هذا ... و إلا فأنت و ما تكتب أولى بالشك ..
.. الفضول قادني لمتابعة الكثيرين من الرجال و النساء هنا هذا لا يعني شيئا بالضرورة ... و أنت أكثر من سأل في كرسي الاعتراف شنو يعني عندك شيء ويه اللي سألتهم ؟ بس دز لي همسة منو البنت للتأكد مو أكثر
9 . البارحة طبيت للموضوع ساعة 3 بليل . لكيت سامر يتصفح بالموضوع
وضل اكثر من ساعه يبحوش بأجاباتك .
شتتوقع شجان يدور على شنو .
سامر ؟ أكثر من ساعة ؟ سامر : إذا تحبني هيج ليش ما مصارحني ها ؟؟؟؟ هاي بناءً على نظريتك أعلاه فقار ههههه ... افرغ و اخابره و اشوف شجان يدور
10 . البارحة كلولي ترة متلزم منه اجوبة شافية البعض الأسئلة .
يوديك للشط ويرجعك عطشان .
راح يجاوبك بكلام ميفهمة بس الله والراسخون في العلم
خلوني اراجع اجوبتك شفت شي من صحة كلامهم .
هذا شنو يسموه . تهرب لو اكو ناس متريدهم مثلا يعرفوك .
مع الأسف صدكتهم .. لا و النوب مكيف يكول شفت شي من صحة كلامهم .. هاي شبيك وداعتك إشاعات مقرضة
.. هم نرجع لسالفة الأسلوب و علاقة الاختصاص .... و أيضا للإنصاف : ليش أنت متوقع أجاوب على كل الأسئلة ؟!!! معود لازم شوية تملص منا و مناك .. و اعتبرها تقية .. مو هيج تسموها ؟
وجدا اشكرك دكتور على سعة صدرك
واحتمال ارجع
شلت مرتين لبغداد و رجعت و أفكر بالثالثة و إن شاء الله الثالثة ثابتة 
