قصيدة ماخذوني - محمد الحلفي - الحان باسم الكربلائي / مكتوبة و مسموعة / محرم 1440 - 2018
كلمات القصيدة
_______________
ماخذوني
حضّرت متني وعباتي ماخذوني
طفله واتمنى مماتي ماخذوني
ابقه مشتاكه لخواتي ماخذوني
**
العليله وحزني مكتوب أعلى زغري
كبل لااشوف أهلي شفت دموعي تجري
بهزت الكاروك أحس مخنوك صدري
من الكماط وبقت أيدي ع ضهري
علموني شلون اضم على الناس دمعي
علموني اشبك الحيطان وانعي علموني
ع البجي بس بصلاتي ماخذوني
.....................................
وي صلات الليل يدعيلي لكيته
انه من هاي عرفت شبيهه نيته
شفته يفتر خلص عيونه ع بيته
يمسح براسي ويرد يمسح لحيته
وبلحيته شيبه شيبه بعيني كمره بلحيته
الدنيا يتراوالي حمره بلحيته
الخيل تمسح كل غلاتي ماخذوني
....................................
جرحه ماانساه كبل ساعة رحيله
يسولف على الخيل وأنه بنص شليله
يصد عليه وصاح عمتي وامي ليله
يكلهن اخذن ثوب ذكرا من العليله
من نسافر كال غطوها بغطاي من نسافر
حته ماتطلع وراها من نسافر
هاي المنشفه لهاتي ماخذوني
.................................
الفجر حمل ضعنهم وأنه اباوع
محد يكلي وتعاي وجفني دامع
حسين ودعني وشفت كطعت اصابع
انطاني ضهره وبي شفت كسرة السابع
عطشوني وهمه مثل النهر راحوا عطشوني
بس على فراكي استراحو عطشوني
ورده واتمنى مماتي ماخذوني
.....................................
ليش كسرت خاطري ماجبروها
كلشي راح وياهم وأنه النسوها
التضيع انه ادري اهلها يدوروها
اني اول ضايعه ومضيعه أبوها
المغربيه الزم الباب بصفنتي المغربيه
ضلمه ماتنطب غرفتي المغربيه
دمعي يكثر وامنياتي ماخذوني
....................................
الاحبهم راحوا وخلوني وحدي
روحي شمعه وصار كل الريح ضدي
جنت ماانام الا بيد حسين خدي
راح ابوي وخله بس هدومه عندي
ياهضيمه بيدي ضلت ريحة ايده ياهضيمه
الوكت مايرحم وحيده ياهضيمه
بجلوسك من صلاتي ماخذوني
للإستماع والتحميل mp3
للمشاهدة
محرم 1440 هـ | 2018 م
تدوين : شممتُ ثراك
رد مع اقتباس
المشاركة الأصلية كتبت بواسطة ابوعلي/
