هنا

[هيلــه]

امك يجاسم بالدمع طفيت الشموع

.والحنه دمك والشهاده عرس الدموع
......
.ياتعب عمري وسهر ذيج الليالي
.ذكرياتك صور مرسومه اعله بالي.
..غالي انته وعمك المضلوم غالي
بكربله جازيت تعبي وكل دلالي
يالبيضت وجهي رغم ماكلبي مكطوع
. والحنه دمك والشهاده عرس الدموع
--------------
اسنين وعيوني عليك وكلبي صابر
تكبر اكبالي واشوفك كمر زاهر
يالترست الروح آمال ومشاعر
صورتك بدموعي رسمتهه النواضر
حتى النبض صار بغيابك ياابني موجوع
.الحنه دمك والشهاده عرس الدموع
------
من رسم دهري تجاعيد عالخدي
جنت أشد الحيل بيك وانته عندي
لكن وداعت غلاتك ذاب جندي
بيك وصاني الحسن ودموعي ردي
كلي يارمله بيوم عاشر روحج تلوع
والحنه دمك والشهاده عرس الدموع
-------------
كربله والموعد بعاشر محرم
والنهار يصير يشبه ليل الاضلم
انطيتك وصيت ابوك ودمعي هل دم
اتوجهت لحسين وكتله ارخصني ياعم
شاف الوصية وشفته ناح وكلبه مفجوع.
الحنه دمك والشهاده عرس الدموع
--------------
اني بالخيمه وعله الميدان اباوع
دهري كل لحضه بخبر مشؤم راجع
من طلعت وكلبي وياك طالع
وانقبض جن خبر موزين سامع
ثق كلبي يعلم ماتجيني وترجع ارجوع
والحنه دمك والشهاده عرس الدموع
--------
يابني معذور الدمع لجلك أهله
صعبه ترجعلي وذر لاتضنهه سهله
بخيمتي ويمي الحرم يانوح أمله
كمنه نتناوب نون ثكله ويه ثكله
لاماخفه يمك نحيبي ووني مسموع
الحنه دمك والشهاده عرس الدموع
---------
كربله شعافت مصايب تأخذ الروح
احسين عمك يبني بعدك شفته مذبوح
نطفي يانار بدمع من نار مسفوح
نار تلهب بالخيم لو نار الجروح
حتى البجي بدرب السبي ياوليدي ممنوع
والحنه دمك والشهاده عرس الدموع
......
الشاعر عمار هليل الواسطي

....تدوين فبرونيا ...

[Mohammed K.F]

شكرا لكِ وعظم الله اجركِ

[هيلــه]

شكرا لكِ وعظم الله اجركِ

نورت ..اجورنا واجوركم