لسان حال العبد المذنب يستغيث بالحسين ع
اتنفس علي يحسين كثرت ذنوبي
بداعت علي الكرار استر عيوبي
بحبك ذوبني اشموع
يمك هليت ادموع
استر عيوبي
غرتني الدنيه اهوايه / خالفت العقل ورايه /تعديت اهواي احدودي / سويت الما مسوايه/
تدري اليغرگ بذنوبه /ايچلب حته ابگشايه / وانه امچلب بذيالك /واعرف بيهن تچايه
اعرف جنيت اذنوب كلش،چبيره
وادري اليصيح الغوث شخصك يجيره
ترحم انته المفزوع
يمك هليت ادموع
استر عيوبي
غرگان ابحر اذنوبي / وما متلفت لعيوبي /مطاوع نفسي الاماره / ومتيه كل ادروبي
چم مره اعلنت التوبه / وغيرت اهواي اسلوبي / وتفتر وياي الدنيا /واطلع رغما من ثوبي
مذنب واجيت انخاك يل كلشي،بيدك
تعفوا وتحن يحسين حب بعظيدك
بيك العمل مرفوع
يمك هليت ادموع
استر عيوبي
لو خلص عمري وجاني /ملك الموت اتعناني /بخزرة عينه الچتاله /ينعگد بحلگي الساني
يسحب روحي بحرباته / وعيني تعاين لخواني /يخطفهه الروح ابساعه / وانه ابنصهم اذاني
بداعت ظلعهه اعليك اطلب حظورك
حته بهذاك اليوم يشفعلي نورك
،اتگله ابالم ممنوع
يمك هليت ادموع
استر عيوبي
بيك اتئمل تحيني / موش اعمالي تنجيني / منكر لو گظ اكتابه /ما تشفع دمعة عيني
بيش اتعذر گدامه /كون الوحدي تخليني /وانته العالم بذنوبي / تعرف ويت توديني
حتمأ سعير النار كله امن اديه
فدوه بهذاك اليوم الحگ عليه
حچيك امر مسموع
همك هليت ادموع
استر عيوبي
بيدك كلشي وعفتهه/ وانه اتنخه ابشيلتهه
خادم عندك خليني / واغفر ذنبي الدمعتهه
بزينب انه اتنخيتك /الكسرت گلبك ونتهه /تبيض صفحات اكتابي / من هل لحظه وساعتهه /
خادم الك يحسين سجل كتابي
وامسح شكو من اذنوب بيهن عذابي
تدري بگلبي موجوع
يمك هليت ادموع
استر عيوبي
فاضل الغريباوي
رد مع اقتباس
