السلام عليكم ورحمة اللة وبركاته درر
اني فتاه شابه تجيني فرص للزواج بس متخوفه انو لمن اتزوج زوجي حيباوع لغيري أو بيوم من الايام حيتركني وياسس عائله ثانيه
فكيف اكدر اتجاوز هالخوف
وشلون اتصرف مع الشخص الي حقضي عمري معاه
ادري حتكون ردود المن التخوف بس مهما تشوفوه بسيط أحسه حيكون عائق بمستقبلي
عليكم السلام
مجرد افكار .. غبيه .. اطرديها
لا تدعيها تنمو وتكبر في رأسك
الله يكون بعونج... الثقة مهمة بين الطرفين واساس العلاقة الزوجية هي الاحترام المتبادل وتبادل الاّراء ... لكن يجب تكون ثقتج بنفسج عاليه حتى متخلين هيج فكرة برأس شريك حياتك المستقبلي بالعكس دائما كوني انتي شمس حياته ومصدر سعادته ولتاخذين باي نصيحة ممكن تأثر سلبي على حياتكم شوفي انسان ناجح بحياته الزوجية واستشيري وكوني على يقين ان الرجل يملك قلب واحد وألف عين... المهم القلب يمج كافي خلي يشوفالمشاركة الأصلية كتبت بواسطة أنثى حائرة
توكلي على الله
واخذيلج واحد احسن ماتبقين كاعده بالبيت لاشغل ولا عمل
والثقة لازم تكون عندج موجودة بدماغج اصلا
علمود تاسسين بيت وترتاحين
هو من ناحية زوجج يباوع لغيرج ويخونج هاي اكيدة
بس مال يأسس عائلة ثانية ، لا هاي صدك تعتبر افكار مالها داعي
اما شلون تتعاملين وي زوجج ف هاي ح تعرفيها بفترة الخطوبة ، اكيد متتزوجين واحد ما عندج فكرة عنه ، لازم تتعرفين عليه مامي بالخطوبة و موجديد هالكلام بس ضروري ، اضافة انتي ما مستعدة نفسياً ، لتتزوجين
قبل كل شي خلي تكون عندج ثقة بنفسج عالية
وما تفكرين بهل الأفكار الوهمية وتسبقين الاحداث وهي بعد ماصايرة
والشخص الي راح ترتبطين بي اذا يحبج ومقتنع بيج وانتي مداريته ومخلصة اله
مو بهل سهولة راح يتركج ويرتبط بوحده غيرج
كوني قوية واتركي هالأفكار الي تأثر على حياتج ومستقبلج .
مرحبا ...
لأول مرة احس بالفعل ما امتلك شي يطمنچ ..
تدرين ليش ...لأن اني ما اؤمن بالزواج التقليدي ، اللي تتزوج بيه البنت عمياوي ...يجيها واحد بحياتها ما شايفته ، و يگولولها ارتبطي بيه و ابقي وياه طول عمرج ..شيسوي شيطلع ، شنو اخلاقه ، شنو طبعه ..بس الله يدري ..
لهذا فعلا فترة الخطوبة ممكن ، ممكن اذا فتحت عقلچ زين و درست شخصية الانسان اللي متقدملچ ، ممكن تكتشفين الاشياء اللي تخوف بشخصيته ، و اللي اكيد ما رح يگدر يخفيها مهما حاول ...
ما رح تگدرين تعرفين كل طباعه ...بس اكيد الشغلات العوجة اللي انت تتخوفين منها ، مثل طبعه وية المرأة ، شلون يعاملچ ، يحترمج لو لا ، يحترم اختياراتچ ، حريتچ بالطلعة و الطبة و انه انت كاملة الارادة ، عادة هيچ شخصية نادرا ما رح ينزل الى مستوى سخيف و يهينچ بالبحث عن نساء اخريات اذا انت بحياته مكفية و موفية ، لأن اللي يحترم هو انسان عاقل ...
اللي يشوف المرة دونه و عقلية تافهة ، هذا خافي منه ..هذا المرة عنده شي تكميلي ، يجيبها و يشمرها ابيته ، و ما عنده مشكلة يبدلها ابغيرها ..
هاي خلاصة نظرتي اللي تولدت من البحث في هواية تجارب شفتها ..
اتمنى لچ الموفقية ...و الله يجيبلچ انسان محترم و واعي ..يدللچ و يحبچ ..و بالنهاية ترا ماكو انسان كامل .
بالتوفيق
حبيبتي توكلي ع الله وخلي ثقتج بنفسج عاليه
باوعي للمستقبل بنظرة ايجابية ومثل ماكالت الدكتورة الزواج التقليدي لازم تكون فترة الخطوبة هي مفتاحه تتعرفين ع شخصيته سلبياته وايجابياته
ي عيوني الزواج هو سنة الحياة واكمال نصف الدين فكري ح تكونين اسرة وحياة خاصه بيج واطردي الوساوس من راسج ولاتتأثرين بكلام اغلب المتزوجات السلبيات ولاتستمعين الهن
رد مع اقتباس