كلمات قصيدة يابوفاضل مكتوبة سيد فاقد الموسوي
كلمات قصيدة l زلم صوبين وآنه اركض l مكتوبة سيد فاقد الموسوي
زلم صوبين وآنه اركض طلعتي اتكلف هوايه
ماخفت الزلم والنار عندي بطلعتي غايه
جبت من الخيم عامود گالو كسروا الرايه
و جودك بي تدوس الخيل
وبچفوفك رداية اتعيل
يابوفاضل يابوفاضل يابوفاضل
_________________________________
صدگ نايم يذخر اختك فگدك روحي ماردها
اگبالي اتهوس الغمان اگعد ياشهم ردها
واحد يدفع الثاني ميل آنه اسلبها
ماظل للخدر حوبه
وصلت للعبي انوبه
يابوفاضل يابوفاضل يابوفاضل
_________________________________
وازانه الرعب والبين حرم كل إحنه نبـرالـك
ساعه ورايتك مرت تحاشمنه وركـضنا لك
وصلنه الرايه بس شفنه يـخي شايلهه چتالك
ثگيله وتهتز ابچفه
ردي وعين الردي صلفه
يابوفاضل يابوفاضل يابوفاضل
__________________________________
خياله اعله كبر الگاع وارباب الخدر حارت
دورة حاجبك عالعين هيچي الحرم دارت
تراچي النـفتخر بيهن بجـيوب الزلم صارت
ماظل كل ستر عدنه
گوم اگعد تفرهدنه
يابوفاضل يابوفاضل يابوفاضل
__________________________________
الصبح جروني بالگوه وآنه ارد ابقه يم جسمك
شيبي الي طلع بجـفاك اصبغه الليله من دمك
اريد احچيلك اعله اصباي ابخوتي وياك اذكرنك
احلفنك بالمروه
واسولفلك على الخوه
يابوفاضل يابوفاضل يابوفاضل
___________________________
تدوين Zahraa Al obaidi
رد مع اقتباس