كلمات نعي ها وينك (مكتوبة كتابة ) باسم الكربلائي - محرم 1440 - 2018 - الشاعر السيد عبدالخالق المحنة
ها وينك يخيمتنه شو نمنه بلا خيمه
خدر گلي چيف أننام يم وادم بلا شيمه
يتيم اعله اليتيم اينام يتيمه اتوسد ابيتيمه
صدگ بس يتحرك راسي
ها زينب صاحوا حراسي
غافلت الحرس بليل
وجيتك للنهر گـوه
دلتني اعله مچانك
يغالي ريحة الخوه
من شفتك خذاني الخوف
گلت ابگلبي موهوه
متغير يابعد اعيوني
ماظنك تنشدني اشلوني
السياط اعله اختك امناوب
وانه اتلفت اشعندي
ما ينشلع سوط اعداي
إلا ابقطعه من جلدي
كلمن ينضرب بالسوط
يجي ويلاوذ ابسدي
والسوط ايلزگ بمتوني
ونستهم من إيشتموني
سامحني يـضي عيناي
ابكلامي خاف اذيتك
لونك مو اعز مني
وحگ احسين ماجيتك
حنين واعرف اطباعك
اخوي وبيدي ربيتك
ياخويه الهزل جاوبوها
واختك للشام ايگودوها
ياسباح گلبي اشبيك
إگعد حته نترايه
باچر اركب الناگه
وانته ماتجي ويايه
لچن ياهو اليركـبني
تجرحك هاي الحچايه
منهو الباچر يهتم بينه
وچتال حسين اليحدينه
ولعني ولعني
.
شـأريد احچي اعله غيري .. وله عني
ونين انه وجراحك .. ولعني
شمر شتريد مني .. ولي عني
شفتني ابلا اخو وتجسر عليه
وصله مني وصله مني
عتابي للكفلنـي .. وصله مني
يـخي النوح إليـه .. وصله مني
دخـلي السوط ياخذ .. وصله مني
ولا عين الغريب اتصد عليه
ترا جـف ترا جـف
بلاخيمه وهـوه الغربه .. تراجف
وأخبرك دمعي يم جودك .. ترا جف
ابـهذا الحر وأحس جسمي .. تـراجف
برد وانه سعير اخيام بيه
__________________
كلمات الشاعر - السيد عبدالخالق المحنة
_________________
كتـابة....Zahraa
ليلة 7 محرم 1440
للتحميل mp3 اضغط هنا
فيديو
رد مع اقتباس
