كلمات قصيدة بين المهدي والعباس (مكتوبة) باسم الكربلائي - الشاعر علي السقاي - ليلة 7 محرم 1440 هــ
بين المهدي والعباس
ليلة سابع محرم
نار التحرگ الاحساس
تشبه نار المخيم
ماتبرد .. ماتخمد
حته ابثار الحسين .. حته ابثار الحسين
______________
مهدينه ... من اسنينه .. ايزور الكافل ابكل عام هالليله
يم گـبره .. بالعبره .. يقره الفاتحه والمدمع ايسيله
يظل يسأل .. عـالمقتل .. يعلم بس يحب عباس يرويله
وبهمه .. من عمه .. يسمع چم روايه وهوه يصغيله
عمك آنه يامولاي
خل ارويلك المقتل
اسمع حزني يم الماي
واگـعد ابچي واتخيل
ارويلك .. احچيلك .. وأذرف دمعة العين
__________________
عن عيني .. چـفيني .. احچي وابچي دم وتنزف ازنودي
ولحالي .. مابالي .. تدريني يمهدي ناذر اوجودي
كل همي .. مو دمي .. همي الرايه وابذل الها مجهودي
هالندبه .. شگـد صعبه .. من سهم عيني سهم جودي
فدوه اچفوفي خل اطيح
بس بيش ارفع الرايه
ماهي اعيالي بس اتصيح
صاح العلـگمي ومايه
والحسره .. ابكل گـطره .. جن ابذمتي دين
__________________
يالمهدي .. من بعدي .. عبدالله منو يجيب العذب لجله
حسين اضطر .. للعسكر .. يگـصد بالرضيع وماي يطلبله
من جاله .. ابهالحاله .. بي گـطعوا نزاع الگـوم لا يعله
والظامي .. رد دامي .. الصوب عيني صوب منحره ابنبله
تشعر روحي بالتقصير
واتأسف على ذبحه
رفرف بيده مثل الطير
من ايرفرف ابجنحه
والمهده .. شيرده .. مگـطوع الوريدين
________________________
يالغايب .. لتعاتب .. لو گـتلك تركت احسين بالغربه
بهمومي .. ودمومي .. صح يم النهر بس گـلبي يم گـلبه
بالصابه .. وانتابه .. اشعر وحسبتهن الاثنعش ضربه
من المصرع .. ردت افزع .. لومامصرعي من يوصل الرگـبه
يگـطع منحره الذباح
اشعر يگـطع ابنحري
وحسين انذبح من صاح
الآن انكسر ظهري
وتخضب .. واتسلب .. من گـطعولي چـفين
____________________
وخيامي .. اعله ايتامي .. وعله النسوه من حرگـوهه بالهجمه
چنت ادري .. باليجري .. دخان الخيام اجروحي تشتمه
صوت اسمع .. بالمدمع .. كافلنه تأخر وينه ياعمه
والظالم .. ظل واهم .. يتلفت يخاف اطلعله من يمه
واسمع چـلمه المعلول
زين العابدين اعني
اعليكم بالفرار ايگـول
هاي الچـلمه تفجعني
وبهالبر .. تتعثر .. اطفال و نساوين
______________________
بجراحي .. الذباحي .. لحد يوم هدعش مايخفه يالمهدي
اتذكر .. واتحسر .. عمداً عالنهر حادي السبي يحدي
بعناده .. يتماده .. يضحك چي رزم ضعن الأهل بعدي
اشراح اصنع .. ومگـطع .. جسمي گـطعه گـطعه وراس ماعندي
وعناد الشمر معناه
رايد يستفز روحي
يازينب تعالي هناه
ابكيفي هناكه هم روحي
ويگـلهه .. ويسألهه .. وينه كافلچ وين
________________________
والزينب .. لوتنحب .. هيه اختي مثل ماعمتك هيه
تشچيلي .. تحچـيلي .. اعرف كل شخص گـلهه يـمسبيه
ضربوها .. سلبوها .. شتموا امك الزهره بني ميه
واجبيره .. عالغيره .. متن الاسود وياذيني طاريه
زينب وگـفت ابديوان
يامكبرها عند الله
ريت اتجمع الجثمان
راسي ابرمحه اوصله
وشحده .. اليتعده .. ايوگـفها ابداوين
_________________________
مهدينه .. ابچـفينه .. دگ باب الكفبل واقسم ابراسه
من اظهر .. راح اثأر .. انه الي شديد اعله الشدد باسه
والرايه .. والغايه .. واليبغض هواها اخنگ انفاسه
يشوفوني .. يوصفوني .. هذا الي يحس ابنار عباسه
ادعي الواحد القهار
لية ايعجل الموعد
يصرخ صوتي يا للثار
سيفي يبرق ويرعد
يقطر دم .. واتقدم .. موت اعله الميادين
____________________
كلمات الشاعر علي السقاي
_____________________
تدوين...زهراء العبيدي
ليلة 7 محرم 1440
لتحميل القصيدةmp3 اضغط هنا
فيديو
رد مع اقتباس
المشاركة الأصلية كتبت بواسطة صفاء العامري
