علم اللغة وهذا يختص بدراسة كل العمليات الصوتية اللي تطلع من ادوات انتاج الصوت الى اذن المتلقي وتحويلها الى رموز يفهمها السامع .. بينما علم النفس يدرس العمليات العقلية اللي تحلل هاي الموجات الصوتية ..المشاركة الأصلية كتبت بواسطة راهب
علم اللغة وهذا يختص بدراسة كل العمليات الصوتية اللي تطلع من ادوات انتاج الصوت الى اذن المتلقي وتحويلها الى رموز يفهمها السامع .. بينما علم النفس يدرس العمليات العقلية اللي تحلل هاي الموجات الصوتية ..
المثير بالامر ان العلاقة بين العلمين تقارب دراسة الالفاظ المخزنة في العقل البشري .. والمستدعاة عند حصول موقف ما .. بحيث جعل العلماء يستفادون من هاي السالفة بدراسة طرق انتاج اللغة و دراسة السلوك اللغوي ..
يعني مثلاً اذا ردت تقارن بين شئيين مثلا اتكول : ( اني حباب مو وكح ) ... راح يعرف دارس اللغة ان اللفظة الاولى هي اللفظة المسيطرة عليك بهذا الموقف .. هسة انت بالواقع صدك حباب او لا هذا يثبته الواقع .. والله اليعلم .
صار عندي تمزق بالرقبه من كثر ماحولت التفت للجانب
المشرق من حياتي
سلامتك وسلامت الكيبورد
غالبا ما يكون معنى المقارنة بين الاشياء هو لدفع الشك او الاتهام حتى لو ما سامعها من المتلقي اللي يسولف وياك .... وثق في اغلب الاحيان انت راح تثبت هذا الشك وهذا الاتهام وهاي حالة نفسية مو بيدك لان اللغة تفضحك .. تلعنك !
باالاجتماع الاول المدير نص ساعة يحجي قرارات ومن خلص انطانة السجل وكال وقعوا واردفها بمقولة : ( ترة هاي مو دكتاتورية .. احنة بزمن الديمقراطية ... وكل واحد عنده رأي يكول ) ... اني باوعتله صفح .. مع ابتسامة ساخرة ..
من طلعنة واحد سألني : شفتك ابتسمت ؟ ... كتله : حبيت الجملة الاخيرة من الاجتماع !
من تفرض رايك وانت في موقع قوة بفعل قانون ما كول اني مو متسلط اني ديمقراطي وانت ما موجهلك اتهام .. اعتبر نفسك انت متسلط .. لان هاي هي اللفظة اللي اخذت حيز من تفكيرك بهذا الموقف وشمرها الك عقلك الباطن اللي يختزن الكلمات ويقدملك ما تحتاجه بكل موقف .
المشكلة ... انه مكتب المدير نفسه .. بس لوحة الاسم تغيّرت !
مو بكفيك تخفي شعورك وانفعالاتك ... ولا بكيفك تختار الالفاظ .. من تريد تعبر عن شيء .. وهاي كلها يدرسها علم اللغة النفسي ... شفت اللغة شلون طلابة طلابتها ؟