هنا

[فقار الكرخي]

ما محتاج الأعمه ایگود بیه بلیل
ولا ضیّعت دربی وعفت تالیتی

ولا حشّمت چذبك من طحت عالموت
توچیت اعله جرحي و شلت عافيتي

تطلبني ابفضل سويته هاك ابهاك
چفك لّسه يمطر دسم صينيتي

ولك شنطيتني و تطلبني ابيا دين
كل خير الي عندك ملك مزويتي

امس ، من طاح ابوي و فالته ابيمناه
ابترس اذني اسمعت تضحك ابتعزيتي

هسه اتريد امد لك ايد ضد حسين
و افتح لك ملاهي ابضد حسينيتي

هسه اتريد انسه اليصرخ ابعاشور
حي اعله اللطم ، واللطم تربيتي

ولك هاي المضايف و الحسينيات
شموخ اهلي ، و فخر گاعي ، و مجد صيتي

الگمگم لو زعل تدريه شنهو ايصيح
بس ابيا علي تمتاز عربيتي

ماريدن عروبه ابغير داحي الباب
ولاريد العرب تفخر ابقوميتي

قوميتي الحسين و لو صحت عباس
فوگ من الشمس تتعله چفیتي









للشاعر : فاضل مقدم

[سمراء من قوم عيسى]

الله
عاشت ايدك

[Haidar Iraq]