كلمات قصيدة زينب (مكتوبة) سيد فاقد الموسوي
آه يحسين آه يحسين آه يحسين
وا ويلا وا ويلا وا ويلا
زينب .. باچر يعمه نشرد امنين
زينب .. تارس الهيمه دم الحسين
زينب .. باچر الخيمه اتصير دخان
زينب .. والخيل اجتنه واحنه نسوان
وعيونچ ماخايفه من الخيل والناس
بس خايفه ايشوفونه ويختاض عباس
باچر سبي .. وآل هاشم نومه
هيه عبي .. وزلم ترس الحومه
يازينب يازينب .. عمه الله ايعينچ
يازينب يازينب .. عمه الله ايعينچ
_____________
صاحو .. يحسين ذن الخارجيات
صاحو .. چا گوم كون احنه عزيزات
صاحو .. لبسوا اهدومك وآنه فزيت
صاحو .. وتبشرت عبالي رديت
والله فشل ماشيات ابرايهم
من العطش انخاف نشرب مايهم
يازينب يازينب .. عمه الله ايعينچ
يازينب يازينب .. عمه الله ايعينچ
_____________
وينك .. عباس ظلت خيمه وحده
وينك .. لا تحترگ واتصير شده
وينك .. گالولي ياهو انتي ومنين
وينك .. گتلهم الما شافها حسين
گالولي باچر غصب تمشين ع النوگ
وان شاءالله يومين نفتر بيچ بالسوگ
فشله وعلي .. يمي توگف طايفه
وآنه گبل .. يم علي ما واگفه
يازينب يازينب .. عمه الله ايعينچ
يازينب يازينب .. عمه الله ايعينچ
______________
رايحه ... ما الك نيه اتگوم وياي
رايحه .. يوجعني گلبي ابنومتك هاي
رايحه .. محتاره والله منين احاچيك
رايحه .. اختك وتيهت العرف بيك
عبالي نام وگلت بالعافيه النوم
ثاريها يحسين ظلت بس الهدوم
طشت خرز .. طشراك العاشر
عينك طفت .. عمت عين الحافر
يازينب يازينب .. عمه الله ايعينچ
يازينب يازينب .. عمه الله ايعينچ
______________
باچر .. ديوان والوادم غريبه
باچر .. يحسين نوگف شيبه شيبه
باچر .. تبچي الهه من الگلب والعين
باچر .. وگفتها بالديوان يحسين
ماراهمه ويانه يحچي الما عرفنه
يدرينه خدر وكلشي ولا شرفنه
ماتنكسر .. هيية الشاهينه
بس القصر .. شاف طول اسكينه
يازينب يازينب .. عمه الله ايعينچ
يازينب يازينب .. عمه الله ايعينچ
_________________________
كلمات الشاعر محمد الموسوي
رد مع اقتباس
المشاركة الأصلية كتبت بواسطة فبرونيا
