هنا

[Levai]

السلام عليكم ..
عند شكم سؤال عن برامج الاوفيس لان اريد اتعلمها واطور بيها , خصوصاً (اكسس - وورد - اكسل)
لابتوبي نظامه وندوز 7

1- لازم دائماً استخدم احدث الاصدارات ؟ لو اكو نسخ للمبتدئين ؟
2- يصير انزل النسخ من كوكل لو اشتريها حتى تكون مضمونة ؟
3- يدعم اللغة العربية لو لا ؟
اذا الجواب (نعم يدعم العربية) فأريد اعرف اللغة اغيرها من اعدادات البرنامج لو انزل نسخة عربية كاملة ؟
4- إلي اعتقدة انو البرامج الثلاثة (وورد -اكسل -اكسس) هي اهم البرامج للمبتدئين .. هلشي صحيح لو لا ؟
5- تعرفون قنوات يوتيوب او كتب ممكن تفيدني بتعلم هاي البرامج .. ادري اكو هواي قنوات وكتب لكن اريد شي خاص بالمبتدئين ..
6- اي إضافة منكم او نصيحة , اكون شاكر إلكم

[نائل الكناني]

السلام عليكم ..
عند شكم سؤال عن برامج الاوفيس لان اريد اتعلمها واطور بيها , خصوصاً (اكسس - وورد - اكسل)
لابتوبي نظامه وندوز 7
وعليكم السلام
1- لازم دائماً استخدم احدث الاصدارات ؟ لو اكو نسخ للمبتدئين ؟
الافضل استخدام نسخة سنة 2007 وماكو نسخ خاصة محددة للمبتدئين .
2- يصير انزل النسخ من كوكل لو اشتريها حتى تكون مضمونة ؟
عادي نزلها من كوكل .
3- يدعم اللغة العربية لو لا ؟
اذا كنت قوي بالانكلش فانصحك تبتعد عن النسخ العربية او المعربة انكلش هي الافضل .
اذا الجواب (نعم يدعم العربية) فأريد اعرف اللغة اغيرها من اعدادات البرنامج لو انزل نسخة عربية كاملة ؟
4- إلي اعتقدة انو البرامج الثلاثة (وورد -اكسل -اكسس) هي اهم البرامج للمبتدئين .. هلشي صحيح لو لا ؟
صح
5- تعرفون قنوات يوتيوب او كتب ممكن تفيدني بتعلم هاي البرامج .. ادري اكو هواي قنوات وكتب لكن اريد شي خاص بالمبتدئين ..
اكتب بالكوكل " تعليم وورد الاوفس او اكسل او .... وراح تلكاه مليان ما عليك الا اختيار ما تعيه .
6- اي إضافة منكم او نصيحة , اكون شاكر إلكم
ضم الهم تعلم الاوت لوك هو اسهلهن بس ايضا يعد من الاساسيات
وموفق بإذن الله

[Suzana]

بالنسبة اليه استخدم اوفس 2010 تگدر تبتدي مباشرة بهالاصدار ،تشتري الاصدار واتثبته من قرص او من النت اذا اتوفرت نسخه مهكرة وبيها مفتاح المنتج وتفعيلها للابد او تشتريها من النت فهاي يمك بعد المهم تكون الحزمة موجودة بحاسبتك..
3.يدعم اللغة العربية وبامكانك الدخول الى موقعهم ومعرفة الطريقة .

4.نعم وهي سهلة الاستخدام واي صعوبة تواجهك تدخل على مركز دعم برامج الاوفس وتكتب سؤالك بمحرك البحث الخاص بمركز الدعم.
وراح تلگى تفصيل عنه او من خلال بحث گوكل.
5.كولشي موجود ع اليوتيوب

نصيحتي الك حاول تتعلم بنفسك واتجرب بالنسبة للوورد كولشي متوفر بيه و راح يكون جدا سهل الك اما الاكسل اتعلمته لوحدي وبدون معلم لانه انجبرت جان لازم اشتغل القوائم والحمد لله اصعب القوائم سويتها.

بالتوفيق

[Mohammed K.F]

وعليكم السلام
1. ماكو شي اسمه نسخة اوفيس للمبتدأين.. ومو لازم تستخدم احدث اصدار.
والاوفيس بحد ذاته مو صعب والاساسيات ما تحتاج تتعلمهم حتى تستخدم مجموعة برامج الاوفيس.
2. موجودة ببعض المواقع نسخ مفتوحة ( مع كراك) ولكن بدون ضمان.. كذلك تقدم ميكروسوفت نسخ تجريبية ممكن تستخدمها لبعض الوقت او عدد معين من الاستخدامات.
3. ككتابة واستخدام كل النسخ تدعم العربية. اما اذا قصدك معربة، نعم فكل النسخ معربة. وانصحك باستخدام نسخة 365 لان هي الوحيدة ممكن تغير فيها اللغة شوكت ما تريد.
4. قنوات كثيرة عاليوتيوب تقدم لك شروح تفصيلية.
5. حاليا انا واحد الاعضاء نحضر لدورة تعليم الاكسل

[احمد العثمانيے]

أنصحك تستخدم اللغة العربية لـ (word , Access , Excel) ... ، حتى تحفظ كل أمر من أوامر البرنامج وشنو إستخدامهن وبأسهل طريقة , حتى من تريد بوقت آخر تستخدم الإصدار الإنجليزي متواجه صعوبة بإستخدام الأوامر

اما الدروس ، موجود باليوتيوب كل شي
​

[Levai]

تمام .. شكرا جزيلاً لأجاباتكم
راح اجرب انزل من الكوكل وبعدها اذا شفت نفسي صرت زين باستخدامها , اشتري قرص حتى يكون اضمن إلي .

vip اذا قصدك الدورة تكون بالمنتدى فياريت ترسلي الرابط من تفتحون الدورة
اما اذا قصدك الدورة تكون خارج المنتدى .. فبالتوفيق إلكم

[Mohammed K.F]

تمام .. شكرا جزيلاً لأجاباتكم
راح اجرب انزل من الكوكل وبعدها اذا شفت نفسي صرت زين باستخدامها , اشتري قرص حتى يكون اضمن إلي .

vip اذا قصدك الدورة تكون بالمنتدى فياريت ترسلي الرابط من تفتحون الدورة
اما اذا قصدك الدورة تكون خارج المنتدى .. فبالتوفيق إلكم

بالمنتدى.. ما عندي اي مكان اخر انشر بيه مواضيعي
عن قريب ان شاء الله نبدي بالدروس

[علي الشمري]

صديقي كل برنامج واله اختصاصه
مثلا الوورد اذا كنت تريد تطبع اسئله او كتاب او اي شي ثاني مطالعه او غيرها تستخدمه وبالنسبه للجداول فـ الاكسل اسرع واسهل هوااااي وبالنسبه لبرنامج الاكسس ما اعتقد راح يفيدك بشي لانه عباره عن انشاء برنامج كامل من المعلومات يعني مثلا معلومات كامله عن مجموعه اشخاص تكدر تضيف بيها اي شي يعجبك وحتى الصوره واني مشتغل عليهن كلهن
لذلك انصحك تنصب الاوفس العربي اي اصدار كان بس اسهل اصدار هو 2007
واشتغل ع الوررد اول مره وجرب شغله واضبطه وبعدين تحول على الاكسل واني حاضر لاي سؤال او مشكله تواجهك بيهن

[Levai]

بالمنتدى.. ما عندي اي مكان اخر انشر بيه مواضيعي
عن قريب ان شاء الله نبدي بالدروس

اوك تمام ..

صديقي كل برنامج واله اختصاصه
مثلا الوورد اذا كنت تريد تطبع اسئله او كتاب او اي شي ثاني مطالعه او غيرها تستخدمه وبالنسبه للجداول فـ الاكسل اسرع واسهل هوااااي وبالنسبه لبرنامج الاكسس ما اعتقد راح يفيدك بشي لانه عباره عن انشاء برنامج كامل من المعلومات يعني مثلا معلومات كامله عن مجموعه اشخاص تكدر تضيف بيها اي شي يعجبك وحتى الصوره واني مشتغل عليهن كلهن
لذلك انصحك تنصب الاوفس العربي اي اصدار كان بس اسهل اصدار هو 2007
واشتغل ع الوررد اول مره وجرب شغله واضبطه وبعدين تحول على الاكسل واني حاضر لاي سؤال او مشكله تواجهك بيهن

عندي خلفية بسيطة عن كل برنامج
اوك علي شكرا لمساعدتك

[رمـْـْْـْــــــــآڊ]

اني بالعكس انصحك تتعلم هل حزمة باللغة الانكليزية ... لامرين
الاول اضافة كلمات لقاموسك اللغوي
الثاني اغلب التخصصات والتسميات بحزمة الاوفس جميعها تحتاج الى معرفة باللغة الانكليزية تخيل معي رفع الاصدار العربي ماذا تفعل؟
مثلا الاكسس كيف تتعامل مع الدوال كيف تجمع اساسيات بناء نظام بحث .. او مكتبة عامة
انا استخدام اصدار 2016 تم شرائها
مفعلة مدى الحياة