يـ ليل اشتم عطرهم .. منو الجايب خبرهم
وإذا طول سفرهم .. اموت فراگ اموت
الراحوا من اديه .. ما ردوا عليه
مو يدرون بيه .. اموت افراگ اموت
ياگـلبي موت من الوجع .. بس لا تعاتب
موبيدهم لو مايرجعون الحبايب
وينهم ... خلوني ابعذابي
وينهم .... ما يخلص مصابي
................
يـ ليل اشتم عطرهم .. منو الجايب خبرهم
وإذا طول سفرهم .. اموت فراگ اموت
...............
مثل ما عاشروني
الاحبهم فارگوني
اظن يمكن نسوني
اعيش اشلون اعيش
يضوون الليالي
يتعبون ابدلالي
بعدهم هذا حالي
اعيش اشلون اعيش
هوه آنه عاشور الحزن .. واسمع بچـيهم
وابروحي صارت كربله .. والطم عليهم
وينهم ... تره الفرگه هضيمه
وينهم ... وانه بروحي يتيمه
..................
يـ ليل اشتم عطرهم .. منو الجايب خبرهم
وإذا طول سفرهم .. اموت فراگ اموت
....................
بعيده الراحه عني
وصديق اگـليبي وني
اشوكت يعمن هذني
يـاليل ارحمني يـاليل
الألم كـبر حسرتي
ولا صوت الضحكتي
امـبارك يا دمعتي
بعد مابيه حيل
چـا ما خذاني اوياهم .. الموت الخذاهم
گـمت اعشـگ آنه المگـبره .. ابشمة هواهم
وينهم .... يطولون ابهجرهم
وينهم .... ابوسط روحي گـبرهم
..................
ي ليل اشتم عطرهم .. منو الجايب خبرهم
وإذا طول سفرهم .. اموت فراگ اموت
.................
كلمات والحان : الشاعر حسين البغدادي
................
تدوين الكلمات..Zahraa
لتحميل القصيدةmp3 اضغط هنا
فيديوو
رد مع اقتباس
المشاركة الأصلية كتبت بواسطة صفاء العامري
