كالولي الشتيمه العيب تنكال !-حسين الساعدي
لسان حال زينب تخاطب أباها بعد مصيبة كربلاء,,
.....
ياحاضر الشده وبيك الامثال...
ليش اتأخرت بالطف يغالي*
.
من ذبحوا اخوتي ودمعي همال
رحت اميسره وماعندي والي!
.
محتاره *ابعليل* ونسا* واطفال
وعطشانه *يبويه *وهذا حالي*
.
ابدرب السبايا اتعثر االحال
وينك يا علي اتشوف الجرالي
.
احجيلك قهر ما مر عله البال
مابعد الخدر* ذاك ودَلالي*
.
عاندني النهار ابكشف الاحوال
الشمس لو تستحي اتجيب الليالي*
.
صرت اميسرة ابنظرات الانذال
وانه المحد امشاهد خيالي*
.
ابمجلس يزيد اتزيد الأهوال
يابويه الحزن مامنه تالي!
.
*كالولي الشتيمه العيب تنكال
والبسمك شتم ضل صوته عالي!
.
ما ضل سيف اليه ايرجع العال,
كلها اتذبحت محد صفالي!!
.
حره وأنسبي وكدامي جتال!!
هاي الشده ما اتمر اعله بالي!!
.
يتباهه يزيد ابهاي الافعال
يضرب راس اخوي وما يبالي!
.
الونه ابدمعتي اتهد الجبال
منها اتشيبت سود الليالي*
.
ضل عندي سؤال ايخيب *الامال
بس اليا اخو احجي ابسؤالي!
.
بس روس البقت لاخواني الابطال
*يابويه* وعلي* هذا البقالي,
.
اريد الموت ويه*الجان كفال
ليش الموت أصيحه وما اِجالي؟
*حسين االساعدي*
رد مع اقتباس
المشاركة الأصلية كتبت بواسطة فقار الكرخي
