بسم الله الرحمن الرحيم
يسعد يومكم دررنا الاعزاء والمتذوقين خاصة
بحثت كثيرا وكثيرا وكثرا
حتى وجدت من يشاركني بطبخ مرگ الباميا
انه الكابسة .... اقصد اجيبسون ، اهووو
هو هذا اسمه AGAPSIO
بس اني اعرفه حسن
حسن ماصورلي طبخته بس گال هيج اطبخها
حسب المحادثة التي دارت بيني وبينه
وتخيلت الصورة كما هي في گوگل
هكذا
...........
اما انا فكانت الطريقة كالاتي
المكونات
1- لحم ويفضل ظلوع اني وصيت ع لحم غنم بس طلع بيه شحم هواية بحيث ما استخدمت قطرة زيت
2- طماطة
3- باميا
4- ثوم
5- بهارات لحم فقط
6- معجون طماطة
7 - ماء حسب الرغبة
الطريقة
نظفت اللحم وسلگته مع البصل والبهارات
على جانب نظفت الباميا ونگعتها بالملح وغيرت ميها مرتين حتى تخف اللزوجة مالتها
خلطت الطماطة وصفيتها من القشور
نظفت الثوم وبقيته على شكل سنون كاملة ( اي اني اسمي الفص الواحد من راس الثوم سن)
التطبيق
رفعت اللحم من السلگ وخليتها بقدر ثاني وبدون زيت مثل مگلتلكم كان نسبة الشحم كبيرة وذابت بعضها فمحتاجيت الزيت
حمسته شوي وضفت الثوم بعد دقيقة اكثر او اقل حسب النار ضفت المعجون وبعدها صفيت الباميا وضفتها عليهم وحمست شوية وعفته الى ان اشوف احد اصابع الباميا انفتح شوي معناها نضجت ، من ثم ضفت الطماطة وتركتها ع النار ( تگرض شوي ) وضفت ماء قليل
نسبة الملح بعد الذوق كانت كافية من وضعته على الباميا بالحمس
فصارت بهذا الشكل الطيب جداً
الصورة توضح المراحل
.......
( تغديت منهاوتعشيت
)
مو ترغيب والله هاي الحقيقة
اني احب من اطبخ ما اطبخ مال نفرين لا ، مو علمود اخزن منها
..........
نجي للخلاصة والمهم انتم براحتكم تفضلون طريقتي لو طريقة حسن
(تحياتي للغالي حسن
رد مع اقتباس
المشاركة الأصلية كتبت بواسطة Zahraa Mohy
تم
