هزي المهد حرگي الگلب أكثر بعد , هزي المهد
وتصوري بيه انولد , هزي المهد
مايرهم لجرحج ضمد , هزي المهد
علّي صوتج بالبجي محد يسمعه
راح أبنج يالرباب ابلايه رجعه
والسهم بعده بوسط نحره شيطلعه
صغير جف ابنج ولا يگدر يشلعه
بعده السهم لاوي رگبته وماطلع , بعده السهم
من منحر أبنج ماشبع , بعده السهم
مايقبل يعوف الجسد , هزي المهد
هزي المهد حرگي الگلب أكثر بعد , هزي المهد
وتصوري بيه انولد , هزي المهد
مايرهم لجرج ضمد , هزي المهد
يالرباب وصيحي خل العالم اتصيح
هذا چان أصغر شهيد ومنحره يسيح
راس أبني عالرمح بي تلعب الريح
وگلبي خايف لو يمر بي الهوى يطيح
فوگ الرمح ... عبد الله غافي ومبتسم فوگ الرمح
شعره يميل ويه النسيم فوگ الرمح
راسه الصغير شگد صمد , هزي المهد
هزي المهد حرگي الگلب أكثر بعد , هزي المهد
وتصوري بيه انولد , هزي المهد
مايرهم لجرحج ضمد , هزي المهد
يالرباب وفكي عينج على هالأحلام
أرتاحي مو باجر وراكم سفرة للشام
مات عبد الله وشبع نبلات وسهام
بعدج اتناغيله يمة يالولد نام
أبنج غفه وتروه من فيض الدمه , أبنج غفه
بحضن الزجية فاطمة , أبنج غفه
وغمض جفن عينه بوغه , هزي المهد
هزي المهد حرگي الگلب أكثر بعد , هزي المهد
وتصوري بيه انولد , هزي المهد
مايرهم لجرحج ضمد , هزي المهد
رد مع اقتباس