اليفـگد والده حگـه
ايخاف امن الدهر لوخان
وانه بنت الشهم مسلم
سفير الدين والإيمان
آهات من الطفله
صرخات من الطفله
............
لـليسألني عن اسمي
يريد إيعرف مضموني
حميده انه بت مسلم
يـ هنيالي و يـ خـيعوني
وكـت سار الظعن للطف
عمامي ابهيبة حاطوني
مشيت وما خفت لحظه
تحامي الضعن فرسان
آهات من الطفله
صرخات من الطفله
...............
چـنت وسط الظعن اشعر
چـني عايشه ابـ جنه
رقيه بيـمنتـي وانـظر
شـمالي باسمه سكنـه
واليـحمـلهـا چـف عباس
حقهـا ابهاي تتهنه
سلام الله اعله هالرايه
سلام الله اعله هالضرعان
آهات من الطفله
صرخات من الطفله
.............
وصلنه الكربله ونصبوا
خيم لاچـن تشع بالنور
مـلـك لو ينوي يدخلها
يـحس ابهيبـة چـنه الطور
ويكفيني امنـ اشـوف حسين
يجبر خاطري المكسـور
رغم ما گـلبي لاچـمني
اعله ابويه الطول ابطوفان
واهات من الطفله
صرخات من الطفله
..............
بدت تتواله هالأيام
محرم يختلف وضعـه
وبساعه اجاني حسين
ابعينه طافحه الدمعـه
مسـح راسي واحـس بيده
ذبـت من خـوفي چـن شمعـه
ابـعيد الشـر علـى مسـلم
يـحيطه الحـافظ الرحمـان
آهات من الطفله
صرخات من الطفله
...............
طـمني تره گـلبي
يـسعر بي جمر البين
گـلي اشبيـك ياعمي
شبـگها وگـال لـتخافيـن
مسـلم والـدچ غـدروه
ومـن اللـحظة أبـوچ حسـين
حميـده بنتـي مـن اليـوم
بـنينـي وانتـو صـرتوا اخـوان
آهات من الطفله
صرخات من الطفله
...............
حميده لاجت ابهمها
اعله والدها الذي خانوه
لاچـن ظلت ويه ارجال
ستـرها بالنـحر يـحموه
ياحسـره عـلى الـ بـالشام
ابطشـت راس الابو جـابوه
رقيـه المـاتت اعـله الـراس
وصـارت لليتـم عنـوان
آهات من الطفله
صرخات من الطفله
................
كلمات الشاعر ■ عبداللطيف خالدي
................
تدوين الكلمات ــ Zahraa Al obaidi
رد مع اقتباس
