لو شفت ناس اقرأ عباس
وجعلنا كف ابو فاضل ستر
نازله بطف كربلاء سورة خدر
بين الجفوف وبين الأخيام
عشرة كفالة جربة واسهام
ماظنه ينساني سميته وجداني
بعيونه تلكاني اغلى من النهر
ياسورة خيامي يالكافل أيام
يالتبره ايتامي من صار السفر
آية خدر مو آية الينشاف
اليقراني لازم يلبس احرام
كل الحرف جان من اسمي قرآن
ليلة العاشر تُعد ليلة قدر
نازله بطف كربلاء سورة خدر
لو شفت ناس اقرأ عباس
وجعلنا كف ابو فاضل ستر
نازله بطف كربلاء سورة خدر
من جان طفكم بس اسم كاع
جنت السفينة وجان الأشراع
حاميني بشراعه مانفترك ساعة
من فدوة لذراعه كل هاي الزلم
من اصعد الناكة يثني الي ساكه
وجفوفه تتلاكه جن عين وحلك
من اذكر اسمه يحضر بساع
ويكول زينب امرج انطاع
والهوى الهاب بجفه ينجاب
قائلاً ياهوى زينب تنتظر
نازله بطف كربلاء سورة خدر
لو شفت ناس اقرأ عباس
وجعلنا كف ابو فاضل ستر
نازله بطف كربلاء سورة خدر
ماغاب عني من السمه غاب
صار يتكفل رووس الاحباب
اسأل رمح راسه ينظرلي بأحساسه
حاميني بـأنفاسه ماعاف الضعن
عين التصد ليه تقراني لطمية
من عنده مقريه وعيونه انعمن
ويصير سد لعيون الاجناب
ويفتح عيونه وينظر اعتاب
عاتب الماي مآخذ الواي
سائلاً يا ماي ماظلك عذر
نازله بطف كربلاء سورة خدر
لو شفت ناس اقرأ عباس
وجعلنا كف ابو فاضل ستر
نازله بطف كربلاء سورة خدر
وادم غريبة وكلهم عيون
من اقرأ اسمك مايشوفون
من اذكر اسنينك لو اقرأ جفينك
رواية سهم عينك سورة كافلي
اسمع تناديلي يا زينب بعيني
يا شمعة سنيني خوية تدللي
خوية اليتامى من يتعبون
يم رمح راسي خل ينامون
اليتعب ينام انا الخيام
حاملاً بعيوني فَي ماينكسر
نازله بطف كربلاء سورة خدر
لو شفت ناس اقرأ عباس
وجعلنا كف ابو فاضل ستر
نازله بطف كربلاء سورة خدر
رد مع اقتباس
المشاركة الأصلية كتبت بواسطة نغمة على وتر♫
