هنا

[ღ عِشق ღ]

إلا بنبرة انحور تكدر تقره عاشور
وإذا مترخص الدم ماتفهم محرم

إلا بنبرة انحور ..

..............

لا تساومني اعله جرحي
جرحي ماممكن ابيعه
حسين جا سواهه كبلي
وباع للكافر رضيعه
الحيدر الحلي شأكله
بعت واقع كالفجيعه

وافرضني شت مني الفكر
حطيت للثوره سعر
بس ابشرط كون الشمر
يقنع ابفعلته الشيعه

القناعه اتريد إثبات
عن ذبح السماوات

الضوه شيب بالنجوم
تريد الصوت معصوم

إلا بنبرة أنحور
.................
إلا بنبرة انحور تكدر تقره عاشور
وإذا مترخص الدم ماتفهم محرم

إلا بنبرة انحور ..
...............

نهر النحور العظيمه
من الطفوف ايشيل ثوره
اتخضر اجروفه مجالس
عِبرة بس بثوب عبره
خيمه كل مجلس نشوفه
بيه جرح حسين يقره

قديسه والفارق ألم
بين المجالس والخيم

سارية المجلس والعلم
من الحسين ابلون نحره

دولة نحر الحسين
لغتها ادموع كل عين

بس مو دمع مهزوم
نصر ويزيل الهموم

إلا بنبرة أنحور
.................
إلا بنبرة انحور تكدر تقره عاشور
وإذا مترخص الدم ماتفهم محرم

إلا بنبرة انحور ..
...............

لسه صدر حسين يحجي
كل ضلع للنصر فارس
مايريد الطف تعنصر
حسين قرب منه عابس

هذا مفهوم التآخي
ترجمته النه المجالس

الواجب انساني الطرح
ع الجرح لا نصبح ملح
ليش الورد فوك الرمح
وليش مسبيه النوارس

دروس الغاضريه
مجالس عالميه

رسالة لبني الإنسان
ماينتهي الطغيان

إلا ابنبرة انحور
.................
إلا بنبرة انحور تكدر تقره عاشور
وإذا مترخص الدم ماتفهم محرم

إلا بنبرة انحور ..
...............

يللي تستصغر دمعتي
الريح مطيح مناره
جفي موج ولمن الطم
بلكي ضلعي تهيد ناره
المجالس ثقفتني
دمعتي اعله الطف حضاره

كثرة اللغات التنسمع
بس واحد الساني الدمع
والأمم بي بس تنجمع
يترجم الطف وقاره

لمن نذكر حسين
جربة اتصير كل عين

مو كل البجه خاف
ابد ميصير انصاف

إلا ابنبرة انحور
.................
إلا بنبرة انحور تكدر تقره عاشور
وإذا مترخص الدم ماتفهم محرم

إلا بنبرة انحور ..
...............

ابقه آنه اشرح قضيتي
والمجالس تبقه معبد
وابسواده احزاني تشهد
عن دليل اللون اشهد
نور بالقرآن اشوفه
وانكتب بالحبر الأسود

ناس العترضت واهمه
الليل مو ثوب السمه
بي الله واسه فاطمه
جي لابنها الحزن ممتد

سواد ال على الكونين
ليل ومجلس حسين

روح اعترض عالليل
منو ايخلصك من الويل

إلا ابنبرة انحور
.................
إلا بنبرة انحور تكدر تقره عاشور
وإذا مترخص الدم ماتفهم محرم

إلا بنبرة انحور ..
...............


كلمات الشاعر زيد السلامي


--------------

Zahraa





لتحميل القصيدة اضغط هنا

[بـشــــار]

تسلمين زهراء